________________
२८६
स्वाध्याय-सुधा
कुच्छि वा, कुच्छिपहुत्तं वा, धणु वा, धणुपुहत्तं वा, गाउयं वा, गाउयपुहुत्तं वा, जोयणं वा, जोयणपुहुत्तं वा, जोयणसयं वा, जोयणसयपुहुत्तं वा, जोयणसहस्सं वा, जोयणसहस्सपहत्तं वा, जोयणलक्खं वा, जोयणलक्खपुहुत्तं वा, जोयण-कोडिं वा, जोयणकोडिपुहुत्तं वा, जोयण-कोडाकोडिं वा, जोयण-कोडाकोडिपुहुत्तं वा, जोयण-संखेज्ज वा, जोयण-संखेज्जपुहत्तं वा, जोयण-असंखेज्ज वा, जोयण-असंखेज्जपुहुत्तं वा, उक्कोसेणं लोगं वा पासित्ताणं पडिवइज्जा,. से त्तं पडिवाइ ओहिनाणं । सुत्तं १५ से किं तं अपडिवाइ-ओहिनाणं ?
अपडिवाइ-ओहिनाणं-जेण अलोगस्स एगमविआगास-पएसं जाणइ, पासइ, तेण परं अपडिवाइ-ओहिनाणं ।
से त्तं अपडिवाइ-ओहिनाणं । सुत्तं १६ तं समासओ चउन्विहं पण्णत्तं,
तं जहा
दव्वओ, खेत्तओ, कालओ, भावओ। तत्थ दव्वओ णं ओहिनाणी
जहन्नेणं अणंताई रूविदव्वाइं जाणइ, पासइ,
उक्कोसेणं सव्वाइं रूविदव्वाइं जाणइ, पासइ। खित्तओ णं ओहिनाणी
जहन्नेण अंगुलस्स असंखिज्जइभागं जाणइ, पासइ, उक्कोसेणं असंखिज्जाई
अलोगे लोगप्पमाणमित्ताइं खंडाइं जाणइ, पासइ । कालओ णं ओहिनाणी
जहन्नेणं आवलियाए असंखिज्जइभागं जाणइ, पासइ,
