________________
२८४
स्वाध्याय-सुधा सुत्तं ११ से किं तं अणाणुगामियं ओहिनाणं ?
अणाणुगामियं ओहिनाणंसे जहानामए केइ पुरिसे एगं महंतं जोइटाणं काउं तस्सेव जोइट्ठाणस्स परिपेरंतेहिं, परिघोलेमाणे परिघोलेमाणे तमेव जोइट्ठाणं पासइ, अन्नत्थगए न जाणइ, न पासइ, एवामेव अणाणुगामियं ओहिनाणं जत्थेव समुप्पज्जइ तत्थेव संखेज्जाणि वा असंखेज्जाणि वा संवद्धाणि वा असंवद्धाणि वा, जोयणाई जाणइ, पासइ, अन्नत्थगए (न जाणइ) न पासइ ।
से त्तं अणाणुगामियं ओहिनाणं । सुत्तं १२ से किं तं वड्ढमाणयं ओहिनाणं ?
वड्ढमाणयं ओहिनाणं-पसत्थेसु अज्झवसायट्ठाणेसु . वट्टमाणस्स वड्ढमाणचरित्तस्स विसुज्झमाणस्स विसुज्झमाण-चरित्तस्स
सव्वओ समंता ओही वड्डइ । गाहा -जावइआ तिसमया-हारगस्स, सुहुमस्स पणगजीवस्स ।
ओगाहणा जहन्ना, ओहिखित्तं जहन्नं तु ।। १ ।। सव्व-वहु-अगणिजीवा, निरंतरं जत्तियं भरिज्जंसु । खित्तं सव्वदिसागं, परमोही खित्त निद्दिट्टो ॥ २ ॥ अंगुलमावलियाणं, भागमसंखिज्ज दोसु संखिज्जा। अंगुलमावलिअंतो, आवलिया अंगुलपुहुत्तं ।। ३ ।। ..
