________________
- नंदी-सुत्तं
२७५ तव-संजम मय-लंछण! अकिरिय राहुमुह-दुद्धरिस! निच्च । जय संघचंद ! निम्मल,-सम्मत्तविसुद्ध जोण्हागा ! ॥ ६ ॥ परतित्थिय-गह-पह-नासगस्स, तवतेय दित्त लेसस्स । ना णु ज्जो य स्स ज ए, भद्द दम संघ-सू र स्स ॥१०॥ भद्द धिइवेला परिगयस्स, सज्झाय जोग मगरस्स।
अक्खोहस्स भगवओ, संघसमुदस्स रुदस्स ॥ ११ ॥ • सम्मदसण-वर . . वइर,-दढरूढगाढावगाढ-पेढस्स । धम्मवर - रयण - मंडिय - चामीयर--मेहलागस्स ।। १२॥
नियमूसिय कणय, सिलायलुज्जल जलंत-चित्त-कूडस्स ! नंदणवण मणहर सुरभि, सीलगंधुद्धमायस्स ।। १३ ।। जीवदया-सुन्दर-कंदरूद्दरिय-मुणिवर मइंदइन्नस्स । हेड-सयधाउपगलंत, रयणदित्तोसहि गुहस्स ।। १४ ।। संवरवर जल पगलिय, उज्झरप्पविरायमाणहारस्स। सावग-जण पउर-रवंत, मोर नच्चंत कुहरस्स ।। १५ ॥
विणय-नय-पवर मुणिवर, फुरंत विज्जुज्जलंत सिहरस्स। विविहगुण कप्परक्खग, फलभरकुसुमाउलवणस्स ।। १६ ।। नाणवर-रयण-दिप्पंत, ... कंतवेरुलियविमलचूलस्स । वंदामि विणयपणओ, संघ-महामंदरगिरिस्स ।। १७ । गुण-रयणुज्जलकडयं, सीलसुगंधि-तवमंडिउद्दसं । सुय-वारसंग-सिहरं, संघ-महामंदरं वंदे ।। १८ ।। नगर रह चक्क पउमे, चंदे सूरे समुह मेरूमि । जो उवमिज्जइ सययं, तं संघ-गुणायरं वंदे ।। १६ ।।
