________________
२५४
उत्तरज्झयणं
उक्कोसोगाहणाए य सिज्झन्ते जुगवं दुवे । चत्तारि जहन्नाए जवमज्झऽठ्ठत्तरं सयं ।। ५४ ॥ चउरुड्ढलोए य दुवे समुद्दे तओ जले वीसमहे तहेव । सयं च अठ्ठत्तर तिरियलोए समएणेगेण उसिज्झई उ ।। ५५ ।। कहिं पडिहया सिद्धा ? कहिं सिद्धा पइटिया ? | कहि वोन्दि चइत्ताणं ? कत्थ गन्तूण सिज्झई ? || ५६ ।।
अलोए पडिहया सिद्धा लोयग्गे य पइदिया। इहं वोन्दि चइत्ताणं तत्थ गन्तूण सिज्झई ।। ५७ ।।
वारसहिं जोयणेहिं सव्वस्सुवरि भवे । ईसीपभारनामा उ पुढवी छत्तसंठिया ।। ५८ ।। पणयालसयसहस्सा जोयणाणं तु आयया । तावइयं चेव विस्थिपणा तिगुणो तस्सेव परिरओ ।। ५६ ।। अदुजोयणवाहल्ला सा मज्झम्मि वियाहिया। परिहायन्ती चरिमन्ते मच्छ्यिपत्ता तणुयरी ।। ६० ।। अज्जुणसुवण्णगमई सा पुढवी निम्मला सहावेणं । उत्ताणगछत्तगसंठिया य भणिया जिणवरेहिं ।। ६१ ।। संखंक कुन्दसंकासा पण्ड्डुरा निम्मला सुहा। सीयाए जोयणे तत्तो लोयन्तो उ वियाहिओ।। ६२ ॥ जोयणस्स उ जो तस्स कोसो उवरिमो भवे। . तस्स कोसस्स छन्भाए सिद्धाणोगाहणा भवे ।। ६३ ।। तत्य सिद्धा महाभागा लोयग्गम्मि पइटिया। भवप्पवंच उम्मुक्का सिद्धि वरगइं गया ।। ६४ ॥
