________________
तीसइमं अज्झयणं
२२३
अहवा तइयाए पोरिसीए ऊणाइ घासमेसन्तो। चउभागूणाए वा एवं कालेण ऊ भवे ।। २१ ।। इत्थी वा पुरिसो वा, अलंकिओ वाऽणलंकिओ वा वि । अन्नयरवयत्थो वा अन्नयरेणं व वत्थेणं ।। २२ ।। अन्नेण विसे सेणं वणेणं भावमणुमुयन्ते उ । एवं चरमाणो खलु भावोमाणं मुणेयव्वो ।। २३ ।। दव्वे खेत्ते काले, भावम्मि य आहिया उ जे भावा। एएहि ओमचरओ, पज्जवचरओ भवे भिक्खू ॥ २४ ॥ अविहगोयरगं तु तहा सत्तेव एसणा । - अभिग्गहा ग जे अन्ने भिक्खायरियमाहिया ।। २५ ।। खीरदहिसप्पिमाई पणीयं पाणभोयणं । . परिवज्जणं रसाणं तु भणियं रसविवज्जणं ।। २६ ।। ठाणा वीरासणाईया जीवस्स उ सुहावहा । उग्गा जहा धरिज्जन्ति कायकिलेसं तमाहियं ।। २७ ।। एगन्तमणावाए इत्थीपसुविवज्जिए । सयणासणसेवणया विवित्तसयणासणं ॥२८॥ एसो वाहिरगतवो समासेण वियाहिओ। अन्भिन्तरं तवं एत्तो वुच्छामि अणुपुव्वसो ॥ २६ ॥ पायच्छित्तं विणओ, वेयावच्चं तहेव सज्झाओ। झाणं च विउस्सग्गो एसो अन्भिन्तरो तवो ।। ३०॥ आलोयणारिहाईयं पायच्छित्तं तु दसविहं । जे भिक्खू वहई सम्मं पायच्छित्तं तमाहियं ॥ ३१ ।।
