________________
अंगुलं
१९८
* उत्तरज्झयणं वेयावच्चे निउत्तेणं कायव्वं अगिलायओ। सज्झाए वा निउत्तेण सव्वदुक्खविमोवखणे ॥ १०॥ दिवसस्स चउरो भागे कुज्जा भिक्खू वियक्खणो। तओ उत्तरगुणे कुज्जा दिणभागेसु चउसु वि ॥ ११ ॥ पढमं पोरिसिं सज्झायं वीयं झाणं झियायई। तइयाए भिक्खायरियं पुणो चउत्थीए सज्झायं ।। १२॥ . आसाढे मासे दुपया पोसे मासे चउप्पया। चित्तासोएसु मासेसु तिपया हवइ पोरिसी ।। १३ ।।
सत्तरत्तेणं पक्खेण य दुअंगुलं । वड्ढए हायए वावी मासेणं चउरंगुलं ।। १४ ॥ आसाढवलपक्खे भद्दवए कत्तिए य पोसे य। फग्गुणवइसाहेसु य नायव्वा अमोरत्ताओ ॥ १५ ॥ जेवामूले आसाढसावणे हिं अंगुलेहिं पडिलेहा । अर्हि वीयतियंमी तइए दस अट्टहिं चउत्थे ।। १६ ।। रत्ति पि चउरो भागे भिक्खू कुज्जा वियक्खणो। तओ उत्तरगुणे कुज्जा राइभाएसु च उसु वि ॥ १७ ।। पढम पोरिसिं सज्झायं बीयं झाणं झियायई। तइयाए निद्दमोवखं तु, चउत्थी भुज्जो वि सज्झायं ॥१८॥ जं नेइ जया रति नक्खत्तं तंमि नहचउभाए । संपत्ते विरमेज्जा सज्झायं पओसकालम्मि ॥१६॥ तम्मेव य नक्खत्ते गयणचउभागसावसेसंमि । वेरत्तियं पि कालं पडिले हित्ता मुणी कुज्जा ॥२०॥
