________________
तेविसइमं अज्झयणं
१८१ उभओ सीससंघाणं संजयाणं तवस्सिणं । तत्थ चिन्ता समुप्पन्ना गुणवन्ताण ताइणं ॥ १० ॥ केरिसो वा इमो धम्मो ? इमो धम्मो व केरिसो?। आयार धम्मपणिही इमा वा सा व केरिसो ? || ११ ।। चाउज्जामो य जो धम्मो जो इमो पंचसिक्खिओ। . देसिओ वद्धमाणेण पासेण य महामुणी ।। १२ ।। अचेलगो य जो धम्मो जो इमो सन्तरुत्तरो। . एगकज्जपवन्नाणं विसेसे किं नु कारणं ? ॥ १३ ॥ अह ते तत्थ सीसाणं विन्नाय पवितक्कियं । समागमे कयमई उभओ के सिगोयंमा ।। १४ ।।. गोयमे पडिरूवन्नू , सीससंघसमाउले। जेट्ठ कुलमवेक्खन्तो तिन्दुयं वणमागओ ।। १५ ।। केसीकुमारसमणे गोयमं दिस्समागयं । पडिरूवं पडिवत्ति सम्म संपडिवज्जई ।। १६ ।। पलालं फासुग्रं तत्थ पंचमं कुसतणाणि य । गोयमस्स निसेज्जाए खिप्पं संपणामए ।॥ १७ ॥ केसीकुमारसमणे गोयमे य महायसे । उभओ निसण्णा सोहन्ति चन्दसूरसमप्पभा ॥ १८ ॥ समागया वह तत्थ पासण्डा कोउगा मिगा। ... गिहत्थाणं अणेगाओ साहस्सोओ समागया ।। १६ ॥ देवदाणवगन्धव्वा जक्ख रक्खसकिन्नरा । अदिस्साणं च भूयाणं आसी तत्थ समागमो ॥ २० ॥
