________________
'एगणविसइमं अज्झयणं
१६१ निच्चं भीएण तत्थेण दुहिएण वहिएण य । परमा दुहसंवद्धा वेयणा वेइया मए ॥७१।। तिब्वचण्डप्पगाढाओ घोराओ अइदुस्सहा। महब्भयाओ भीमाओ नरएसु वेइया मए ।। ७२ ।। जारिसा माणसे लोए ताया!दीसन्ति वेयणा । एत्तो अणन्तगुणिया नरएसु दुवखवेयणा ।। ७३ ।। सव्वभवेसु अस्साया वेयया वेइया मए । निमेसन्त रमित्तं पि जं साया नत्थि वेयणा ।। ७४ ॥
तं वितऽम्मापियरो छन्देणं पुत्त ! पव्वया ।। नवरं पुण सामण्णे दुक्खं निप्पडिकम्मया ॥ ७५ ।।
सो वितऽम्मापियरो ! एवमेयं जहाफूड । .. पडिकम्मं को कुणई अरण्णे मियपक्खिणं ?।। ७६ ।।
एगभूओ अरण्णे वा जहा उ चरई मिगे। एवं धम्म चरिस्सामि संजमेण तवेण य ।। ७७ ॥ जया मिगस्स आयंको महारण्णम्मि जायई। अच्छन्तं रुक्खमूलम्मि को णं ताहे तिगिच्छई ?।। ७८ ।।
को वा से ओसहं देई को वा से पुच्छई सुहं । · को से भत्तं च पाणं च आहरित्तु पणामए ?।। ७६ ।।
जया य से सुही होइ तया गच्छइ गोयरं । -: भत्तपाणस्स अट्ठाए वल्ल राणि सराणि य ।। ८० ॥
...
- खाइत्ता पाणियं पाउं वल्ल रेहिं सरेहि वा। -मिगचारियं चरित्ताणं गच्छई मिगचारियं ।। ८१ ॥
