________________
सोलसमं अज्झयणं
- १४५ धम्मलद्धं मियं काले जत्तत्थं पणिहाणवं । नाइमत्तं तु भुजेज्जा वम्भचेररओ सया ॥ ८ ॥ विभूसं परिवज्जेज्जा सरीरपरिमण्डणं । वम्भचेररओ भिक्खू सिंगारत्थं न धारए ।। ६ ॥ सहे रूवे य गन्धे य रसे फासे तहेव य । पंचविहे कामगुणे निच्चसो परिवज्जए ॥ १० ॥ आलओ थीजणाइण्णो थीकहा य मणोरमा । संथवो चेव नारीणं तासिं इन्दियदरिसणं ॥ ११ ॥
कुइयं रुइयं गीयं हसियं भुत्तासियाणि य । पणीयं भत्तपाणं च अइमायं पाणभोयणं ।। १२॥
.
गतभूसणमिट्ट च कामभोगा य दुज्जया। नरस्सत्तगवेसिस्स विसं . तालउड जहा ।। १३ ॥ दुज्जए कामभोगे य निच्चसो परिवज्जए। संकटाणाणि. सव्वाणि वज्जेज्जा पणिहाणवं ।। १४ ।।
धम्माराम चरे भिक्खू धिइमं धम्मसारही । धम्मारामरए दन्ते बम्भचेरसमाहिए ।। १५ ।। देवदाणवगन्धव्वा जक्खरक्खसकिन्नरा। वम्भयारि नमंसन्ति दुक्करं जे करन्ति तं ।। १६ ।। एस धम्मे धुवे निअए सासए जिणदेसिए ।.. सिद्धा सिज्झन्ति चाणेण सिज्झिस्सन्ति तहापरे ।। १७ ॥
--त्ति बेमि ।
