________________
सोलसमं अज्झयणं
१४३ सू० ६–नो पणीयं आहारं आहारित्ता हवइ, से निग्गन्थे। . तं कहमिति चे?
आयरियाह-निग्गन्थस्स खलु पणीयं पाणभोयणं आहारेमाणस्स वम्भयारिस्स वम्भचेरे संका वा, कंखा वा, वितिगिच्छा वा समुप्पज्जिज्जा, भयं व लभेज्जा, उम्मायं वा पाउणिज्जा, दीहकालियं वा रोगायक हवेज्जा, केवलिपन्नत्ताओ वा धम्माओ भंसेज्जा । तम्हा खल नो निग्गन्थे पणीयं आहारं आहारेज्जा। सू०१०-नो अइमायाए पाणभोयणं आहारेत्ता हवइ, से निग्गन्थे ।
तं कहमिति चे ?
आयरियाह-निग्गन्थस्स खलु अइमायाए पाणभोयणं आहारेमाणस्स वम्भयारिस्स बम्भचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रागायंक हवेज्जा, केवलिपन्नत्ताओ वा धम्माओ भंसेज्जा । तम्हा खलु नो निग्गन्थे अइमायाए पाणभोयणं अँजिज्जा। सू० ११–नो विभूसाणुवाई हवइ, से निग्गन्थे । तं कहमिति चे ?
आयरियाह-विभूसावत्तिए, विभूसियसरीरे इत्थिजणस्स अभिलसणिज्जे हवइ । तओ णं तस्स इथिजणेणं अभिलसिज्जमाणस्स वम्भचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायक हवेज्जा, केवलिपन्नत्ताओ वा धम्माओ भंसेज्जा। तम्हा खलु नो निगन्थे विभूसाणवाई हवेज्जा ।
