________________
उत्तरज्झयणं
तओ आउपरिक्खीणे चया देहा विहिंसगा। आसुरियं दिसं वाला गच्छन्ति अवसा तमं ।। १० ।। जहा कागिणिए हे सहस्सं हारए नरो। अपत्थं अम्वगं भोच्चा राया रज्जंतु हारए ।। ११ ।। ।
एवं माणुस्सगा कामा देवकामाण अन्तिए । सहस्सगुणिया भुज्जो आउं कामा य दिब्विया ।। १२ ।। अणेगवासानउया जा सा पन्नवओ ठिई। जाणि जोयन्ति दुम्मेहा ऊणे वाससयाउए । १३ ।। जहा य तिन्नि वाणिया मूलं घेत्तण निग्गया। एगोऽत्थ लहई लाह एगो मूलेण आगओ ।। १४ ॥ एगो मूलं पि हारित्ता आगओ तत्थ वाणिओ । ववहारे उवमा एसा एवं धम्मे वियाणह ।। १५ ।।
माणुसत्तं भवे मूलं लाभो देवगई। भवे । मूलच्छेएण जीवाणं नरग-तिरिक्खत्तणं. धुवं ।। १६ ।। . दुहओ गई वालस्स आवई वहमूलिया। देवत्तं माणुसत्तं च जं जिए लोलयासढे ॥ १७ ॥
तओ जिए सई होइ दुविहं दोग्गइं गए। दुल्लहा तस्स उम्मज्जा अद्धाए सुचिरादवि ।। १८ ।। एवं जियं सपेहाए तुलिया वालं च पंडियं । मूलियं ते पवेसन्ति माणुसं जोणिमेन्ति जे ।।१६।। वेमायाहिं सिक्खाहिं जे नरा गिहिसुव्वया । उवेन्ति माणुसं जोणि कम्मसच्चा हु पाणिणो । २० ।।
