________________
उत्तरज्झयण
पिण्डोलए व दुस्सीले नरगाओ न मुच्चई। भिक्खाए वा गिहत्थे वा सुव्वए कम्मई दिवं ।। २२।। .
अगारिसामाइयंगाई सड्ढी काएण फासए । पोसहं दुहओ पक्खं एगरायं न हावए ।। २३ ।। एवं सिक्खासमावन्ने गिहवासे वि सुव्वए । मुच्चई छविपव्वाओ गच्छे जक्खसलोगयं ।। २४ ।।
अह जे संवुडे भिक्ख दोण्हं अन्नयरे सिया। सव्वदुक्खप्पहोणे वा देवे वावि महडिढए ।॥ २५ ॥ उत्तराई विमोहाइं जुइमन्ताणुपुव्वसो। समाइण्णाइं जखेहिं आवासाइं जसंसिणो ।। २६ ।।
दीहाउया इढिमन्ता समिद्धा कामरूविणो । अहणोववन्नसंकासा भुज्जो अच्चिमालिप्पभा ।। २७ ।।।
ताणि ठाणाणि गच्छन्ति सिक्खित्ता संजमं तवं । भिक्खाए वा गिहत्थे वा जे सन्ति परिनिव्वुडा ।। २८ ।। तेसिं सोच्चा सपुज्जाणं संजयाण वुसीमओ। न संतसन्ति मरणन्ते सीलवन्ता वहुस्सुया ।। २६ ॥ तुलिया विसेसमादाय दयाधम्मस्स खन्तिए । विप्पसीएज्ज मेहावी तहाभूएण अप्पणा ।। ३० ।। तओ काले अभिप्पेए सड्ढी तालिसमन्तिए। विणएज्ज लोमहरिसं भेयं देहस्स कंखए ॥ ३१ ॥ . अह कालंमि संपत्ते आघायाय समुस्सयं । सकाममरणं मरई तिहमन्नयरं मुणी ।। ३२ ।।
-त्ति बेमि ।। .
