________________
जैन स्वाध्यायमाला
गइंच गच्छे अभिज्झियं दुह, बोही य से नो सुलहा पुणो पुणो।१४॥ इमस्स ता नेरइयस्स जंतुणो, दुहोवणीयस्स किलेसवत्तिणो । पलिनोवमं झिज्झइ सागरोवम,किमंग पुण मज्झ इमं मणोदुई।१५॥ न मे चिरं दुक्खमिणं भविस्सइ, असासया भोगपिवास जतुणो। न चे सरीरेण इमेणऽविस्सइं, अविस्सई जीवियपज्जवेण मे ।१६। जस्सेवमप्पा उहविज्ज निच्छियो, चइज्ज देह नहु धम्मसासणं । तं तारिस नो पइति इंदिया,उवितिवाया व सुदंसणं गिरि ।१७। इच्चेव संपस्सिय बुद्धिम नरो, प्राय उवाय विविहं वियाणिया । काएण वाया अदु माणसेण, तिगुत्तिगुत्तो जिणवयणमहिटिज्जासि ।
॥ रइवक्का पढमा चूला समत्ता ॥१॥ ॥ विवित्तचरिया बीआ चूलिया । चूलियं तु पवक्खामि, सुयं केवलिभासियं । जं सुणित्तु सुपुण्णाणं, धम्मे उप्पज्जए मई ११॥ अणुसोअपट्ठिए बहुजणम्मि, पडिसोय-लद्ध-लक्खेण । पडिसोयमेव अप्पा, दायव्वो होउकामेण ·२१ । अणुसोयसुहो लोओ, पडिसोयो आसवो सुविहिसाणं । अणुसोत्रो ससारो, पडिसोप्रो तस्स उत्तारो ।। तम्हा पायारपरक्कमेणं, संवर-समाहि-बहुलेणं ।
चरिया गुणा य नियमा य, हुंति साहूण दट्ठव्वा ।४। अनिएयवासो समुयाणचरिया, अण्णायउछ पइरिक्कया य । •. अप्पोवही कलहविवज्जणा य, विहारचरिया इसिण पसत्था ॥५॥ पाइन्न-ओमाण-विवज्जणा य, ओसन्न-दिवाहड-भत्तपाणे।
