________________
दशवेकालिक सूत्र अ ५-१
३५
आहारंती सिया तत्थ, परिसाडिज्ज भोयणं । दितियं पडियाइक्खे, "त मे कप्पइ तारिसं” |२८| संमद्दमाणी पाणाणि, बीयाणि हरियाणि य । श्रसंजम - करि नच्चा, तारिस परिवज्जए |२६| साहट्ट निक्खिवित्ताणं, सचित्त घट्टिताणि य । तहेव समणट्टाए, उदगं संपणुल्लिया |३०| ओगाहइत्ता चलइत्ता, श्राहारे पाण- भोयणं । दितियं पडियाइक्खे, "न मे कप्पइ तारिसं " |३१| पुरेकस्मेण हत्थेण, दव्वीए भायणेण वा । दितियं पडियाइक्खे "न मे कप्पइ तारिस" | ३२ | एवं उद उल्ले ससिणिद्धे, ससरक्खे मट्टियाउसे । हरियाले हिंगुलए मणोसिला श्रजणे लोणे ॥ ३३॥ गेरुय वण्णियसेढिय, सोरट्ठियपिट्ठकुक्कुसकए य । उक्किमसंसठ्ठे, संसठ्ठे चैव बोद्धव्वे |३४| असंसट्ठेण हत्थेण, दव्वीए भायणेण वा । दिज्जमाणं न इच्छिज्जा, पच्छा कम्मं जहिं भवे । ३५| ससट्ठेण य हत्येण, दव्वीए भायणेण वा । दिज्जमाणं पडिच्छिज्जा, जं तत्थेसणियं भवे । ३६ । दुहं तु भुजमाणाणं, एगो तत्थ निमंतए । दिज्जमाणं न इच्छिज्जा, छंद से पडिलेहए |३७| दुह तु भुजमाणाणं, दोवि तत्थ निमंतए । दिज्जमाणं पडिच्छिज्जा, ज तत्थेसणिय भवे । ३८ | गुव्विणीए उवत्रत्थ, विविह पाण- भोयणं ।
