________________
दशवकालिक सूत्र
चित्तमतमक्खाया अणेग-जीवा, पुढोसत्ता, अण्णत्थ सत्थपरिणएणं । से जे पुण इमे अणेगे बहवे तसा पाणा, जहा. अडया,पोयया, जराउया, रसया, ससेइमा, सम्मुच्छिमा, उब्भिया, उववाइया, जेसि केसिं च पाणाण, अभिक्कतं पडिक्कंत संकुचिय पसारियं रुयं, भंत, तसिय, पलाइयं आगइ-गइविण्णाया, जे य कीडपयंगा जा य कुंथ-पिवीलिया, सव्वे वेइदिया, सव्वे तेइंदिया, सव्वे चरिंदिया, सव्वे पंत्रिदिया, सव्वे तिरिक्खजोणिया, सव्वे णेरइया, सव्वे मणुया, सव्वे देवा, सव्वे पाणा, परमाहम्मिया । एसो खलु छठो जीवणिकाओ तसकाओ त्ति पवुच्चइ।
इच्चेसि छण्हं जीवणिकायाण णेव सयं दंडं समारम्भिज्जा, णेवण्णेहिं दंडं समारम्भाविज्जा, दंडं समारम्भंतेवि अण्णे ण समणुजाणेज्जा, जावज्जीवाए तिविहं तिविहेणं मणेण वायाए काएण न करेमि न कारवेमि करंतंपि अण्ण न समणुजाणामि । तस्स भते । पडिक्कमामि जिंदामि गरहामि अप्पाण वोसिरामि ।।
पढमे भंते । महन्वए पाणाइवायाओ वेरमण । सव्वं भंते ! पाणाइवायं पच्चक्खामि । से सुहुम वा, वायरं वा तसं वा, थावर वा, णेव सय पाणे अइवाइज्जा,णेवण्णेहिं पाणे अइवायाविज्जा, पाणे अइवायतेवि अण्णे ण समजाणेज्जा, जावज्जीवाए तिविह तिविहेण मणेण वायाए कारण ण करेमिण कारवेमि करतपि अण्ण न समणुजाणामि, तस्स भंते ! पडिक्कमामि जिंदामि गरहामि अप्पाण वोसिरामि । पढमे भते ! महत्वए उवद्विप्रोमि सव्वा पाणाइवायाप्रो वेरमणं 1१।।
