________________
जनस्वाध्यायमाला
के इत्थ देवलोएस. केइ सिज्झति णीरया ।१४। खवित्ता पुवकम्माइ, सजमेण तवेण य । सिद्धिमग्गमणुप्पत्ता, ताइणो परिणिव्वुडा ।१५। ति बेमि।
॥ खुड्डियायारकहा नाम तइयमज्झयणं समत्त ।। । छज्जीवणिया नामं चउत्थं अज्झयणं ॥४॥
सुय मे पाउसं तेणं भगवया एवमक्खाय, इह खलु छज्जीवणिया णामज्झयणं समणेणं भगवया महावीरेणं कासवेण पवेइया सुयक्खाया सुपण्णत्ता सेयं मे अहिज्जिउ अझयण धम्मपण्णत्ती ।
कयरा खलु सा छज्जीवणिया णामझयण समणेण भगवया महावीरेण कासवेण पवेइया सुयक्खाया सुपण्णत्ता सेय मे अहिज्जिउं अज्झयण धम्मपण्णत्ती। ___ इमा खलु सा छज्जीवणिया णामज्झयण समणेण भगवया महावीरेण कासवेण पवेडया सुयक्खाया सुपण्णत्ता सेय मे अहिज्जिउ अज्झयण धम्मपण्णत्ती । तं जहा-१ पुढविकाइया २ अाउकाइया ३ तेउकाइया ४ वाउकाइया ५ वणस्सइकाइया ६ तसकाइया । पुढवी चित्तमंतमक्खाया अणेगजीवा पुढो सत्ता अण्णत्थ सत्थ-परिणएण । आऊ चित्तमतमक्खाया अणेगजीवा पुढोसत्ता अण्णत्थ सत्थ-परिणएण । तेऊ चित्तमतमक्खाया अणेग-जीवा पुढोसत्ता अण्णत्थ सत्थ-परिणएण । वाऊ चित्तमंतमक्खाया अणेग-जीवा पुढोसत्ता अण्णत्थ सत्थपरिणएण । वणस्सई चित्तमंतमक्खाया अणेग-जीवा पुढोसत्ता अण्णत्थ सत्थपरिणएण । त जहा-अग्ग-बीया, मूल-बीया, पोर-बोया, खंधबीया बीयरुहा, सम्मुच्छिमा, तणलया वणस्सइकाइया, स बोया,
