________________
जन स्वाध्यायमाला
२४१
कदप्पकुक्कुयाइं तह, सीलसहाव-हास विगहाई। विम्हावेतो य पर, कंदप्पं भावण कुणइ ।२६४१ मंता जोगं काउ, भईकम्मं च जे पउजति । साय-रस इड्डिहेउं, अभियोगं भावण कुणइ ।२६५। नाणस्स केवलीणं, धम्मायरियस्स संघसाहूण । माई अवण्णवाई, किग्विसिय भावण कुणई ।२६६। अणुबद्धरोसपसरो, तह य निमित्तम्मि होइ पडिसेवी । एएहिं कारणेहि, प्रासुरियं भावणं कुणइ ।२६७। सत्थगहणं विसभक्खण च, जलणं च जलपवेसो य । अणायारभडसेवी, जम्मणमरणाणि बधति ।२६८। इय पाउकरे बुद्धे, नायए परिनिव्वुए । छत्तीस उत्तरज्झाए, भवसिद्धीयसवुडे ।२६६। ॥ जीवाजीवविभत्ती अज्झयण समत्त ॥३६।।
॥ उत्तरज्झयण सुत्तं समत्त ।।
श्री नन्दीसूत्रम् जयइ जग-जीव-जोणी-वियाणो, जगगुरू जगाणदो। जगणाहो जगबंधू, जयइ जगप्पियामहो भयवं ॥१॥ जयइ सुयाण पभवो, तित्थयराण अपच्छिमो जयइ। जयइ गुरू लोगाण, जयइ महप्पा महावीरो ।। भई सव्व-जगुज्जोयगस्स, भदं जिणस्स वीरस्स ।
