________________
१७२
उत्तराध्ययन अ० २६
सम्पत्ते विरमेज्जा, सज्झाय पोसकालम्मि ।१६। तम्मेव य नक्खत्ते, गयणच उभागसावसेसम्मि । वेरत्तियंपि कालं. पडिलेहित्ता मुणी कुज्जा ।२०॥ पुग्विल्लम्मि चउभाए, पडिलेहिताण भण्डयं । गुरु वदित्तु सज्झायं, कुज्जा दुक्खविमोक्खणं ।२१। पोरिसीए चउभाए, वंदित्ताण तो गुरुं । अपडिक्कमित्ता कालस्स, भायणं पडिलेहए ।२२॥ मुहपोत्ति पडिलेहित्ता, पडिले हिज्ज गोच्छग । गोच्छालइयंगुलियो, वत्थाई पडिलेहए ।२३। उड्ढं थिर अतुरियं, पुन्वं ता वत्थमेव पडिलेहे । तो विइयं पप्फोडे, तइय च पुणो पमज्जिज्जा ।२४) अणच्चावियं अवलियं, अणाणुबधिममोसलि चेव । छप्पुरिमा नव खोडा, पाणीपाणिविसोहण ।२५। आरभडा सम्मद्दा, वज्जेयव्वा य मोसली तइया। पप्फोडणा चउत्थी, विक्खित्ता वेइया छठो ।२६। पसि ढिल-पलम्बलोला, एगामोसा अणेगरूवधुणा । कुणइ पमाणे पमायं, सकिय-गणणोवगं कुज्जा ।२७। अणूणा-इरित्त-पडिलेहा, अविवच्चासा तहेव य । पढम पय पसत्थ, सेसाणि उ अप्पसत्थाई ।२८। पडिलेहणं कुणती, मिहो कहं कुणई जणवय-कहं वा। देइ व पच्चक्खाणं, वाएइ सयं पडिच्छइ वा ।२६) पुढवी-आउक्काए, तेऊ-वाऊ-बणस्सइ तसाणं । पडिलेहणा-पमत्तो, छह पि विराहयो होइ ।३०।
