________________
सुखविपाक सूत्र
दीवे भारहे वासे हथिणाउरे णामं णयरे रिद्धिस्थिमियसमिद्धे वण्णो । तत्थ ण हत्थिणाउरे णयरे सुमुहे णाम गाहावई परिवसइ अड्ढे दित्ते जाव अपरिभूए । तेणं कालेण तेणं समएणं धम्मघोसे णाम थेरे जाइसपण्णे जाव पंचहिं ममणसएहिं सद्धि संपरिवुडे पुव्वाणुपुब्बि चरमाणे गामाणुगाम दूइज्जमाणे जेणेव हत्थिणाउरे णयरे जेणेव सहस्सववणे उज्जाणे तेणेव उवागच्छ इ उवागच्छित्ता प्रहापडिरूव उग्गह उग्गिण्हइ उग्गिण्हित्ता सजमेणं तवसा अप्पाण भावेमाणे विहरइ ।
तेण कालेण तेण समएण धम्मघोसाण थेराण अतेवामी सुदत्ते णाम अणगारे उराले जाव तेउलेसे मास मासेण खममाणे विहरइ । तएण सुदत्ते अणगारे मासखमणपारणगसि पढमाए पोरिसीए सज्झायं करेइ । जहा गोयमसामी तहेव धम्मघोसं थेर पापुच्छइ जाव अडमाणे सुमुहस्स गाहावइस्स गिह अणुपविठे । तएण से सुमुहे गाहावई सुदत्त अणगार एज्जमाणं पासइ, पासित्ता हतुठे आसणायो अभुठेइ अभुद्वित्ता पायपीढायो पच्चोरुहइ, पच्चोरुहित्ता पाउयाग्रो प्रोमुयइ प्रोमुइत्ता एगसाडिय उत्तरासग करेइ, करित्ता सुदत्तं अणगार सत्तट्ठपयाइ अणुगच्छइ, अणुगच्छित्ता तिखुत्तो आयाहिण पयाहिण करेइ, करित्ता वंदइ णमसइ वदित्ता णमसित्ता जेणेव भत्तघरे तेणेव उवागच्छइ, उवागच्छित्ता सयहत्थेण विउलं असण पाण खाइम साइमं पडिलाभिस्सामि त्ति कट्ट तुठे, पडिलाभेमाणे वि तुठे, पडिलाभिए वि तुझे।
तए ण तस्स सुमुहस्स गाहावइस्स तेण दव्वसुद्धेण दायग
