________________
जैन स्वाध्यायमाला
१३७
त वितम्मापियरो, सामण्णं पुत्त दुच्चर । गुणाणं तु सहस्साइ, धारेयव्वाइं भिक्खुणो ।२५॥ समया सव्वभूएसु, सत्तु-मित्तेसु वा जगे। पाणाइ-वाय-विरई, जावज्जीवाए दुक्करं ।२६। निच्चकालप्पमत्तेणं, मुसावाय-विवज्जणं । भासियव्वं हियं सच्चं, निच्चाउत्तेण दुक्कर ।२७। दंतसोहणमाइस्स, अदत्तस्स विवज्जणं । अणवज्जेसणिज्जस्स, गिण्हणा अवि दुक्करं ।२८। विरई अबम्भचेरस्स, काम-भोग-रसन्नुणा। उग्गं महव्वयं बम्भ, धारेयव्वं सुदुक्करं ।२६। धण-धन्न-पेस वग्गेसु, परिग्गह-विवज्जण । सव्वारम्भ-परिच्चाओ, निम्ममत्त सुदुक्कर ।३०॥ चउविहेऽवि आहारे, राईभोयण-वज्जणा। सन्निही-संचओ चेव, वज्जेयव्वो सुदुक्कर ।३१॥ छुहा तण्हा य सीउण्ह, दंस-मसग-वेयणा । अक्कोसा दुक्खसेजा य, तण-फासा जल्लमेव य ।३२॥ तालणा तज्जणा चेव, वहबंध-परीसहा । दुक्खं भिक्खायरिया, जायणा य अलाभया ।३३। कावोया जा इमा वित्ती, केसलोबो य दारुणो । दुक्ख बंभव्वयं घोर, धारेउ य महप्पणो ।३४। सुहोइनो तुम पुत्ता, सकुमालो सुमज्जियो । न हु सी पभू तुम पुत्ता, सामण्ण-मणपालिया ।३५॥ जावज्जीव-मविस्सामो, गुणाण तु महब्भरो।
