________________
१३६
उत्तराध्ययन सूत्र म. १६
असासया-वासमिणं, दुक्खकेसाण भायणं ।१३। असासए सरीरम्मि, रइ नोवलभामहं । पच्छा पुरा व चइयव्वे, फेणबुब्बुयसन्निभे ।१४। माणसत्ते असारम्मि, वाहीरोगाण आलए । जरा-मरण-घत्थम्मि, खणपि न रमामहं ।१५। जम्मं दुक्ख जरा दुक्खं, रोगाणि मरणाणि य । अहो दुक्खो हु संसारो, जत्थ कीसंति जंतवो ।१६। खेत्तं वत्थं हिरण्ण च, पुत्तदारं च बंधवा । चइत्ताणं इमं देहं, गंतव्व-मवसस्स मे ।१७। जहा किम्पाग-फलाण, परिणामो न सुदरो। एवं भुत्ताण भोगाणं, परिणामो न सुंदरो १८॥ प्रद्धाण जो महंतं तु, अप्पाहेरो पवज्जई । गच्छतो सो दुही होइ, छुहातण्हाए पीडियो ।१६। एवं धम्म अकाऊणं, जो गच्छइ परं भवं । गच्छंतो सो दुही होइ, वाहीरोगेहिं पीडियो ।२०॥ अद्धाणं जो महंतं तु, सपाहेरो पवज्जई।। गच्छंतो सो सुही होइ, छहा-तण्हा-विवज्जियो ।२१॥ एवं धम्मऽपि काऊणं, जो गच्छइ परं भवं । गच्छंतो सो सुही होइ, अप्पकम्मे अवेयणे ।२२। जहा गेहे पलित्तम्मि, तस्स गेहस्स जो पहू । सारभण्डाणि नीणेइ, असारं अवउज्झइ ।२३। एवं लोए पलित्तम्मि, जराए मरणेण य । अप्पाणं तारइस्सामि, तुन्भेहिं अणुमन्नियो ।२४ ।
