________________
१३२
उत्तराध्ययन सूत्र अ. १८
किरियं अकिरियं विणयं, अन्नाणं च महामणी। एएहिं चउहि ठाणेहि, मेयन्ने किं पभासई।२३। इइ पाउकरे बुद्धे, नायए परिणिन्वुए । विज्जाचरण संपन्ने, सच्चे सच्च-परक्कमे ।२४। पडंति नरए घोरे, जे नरा पाव-कारिणो । दिव्वं च गई गच्छंति, चरित्ता धम्म-मारियं ।२५।। माया-वुइयमेयं तु, मुसा-भासा निरत्थिया । संजममाणोऽवि अहं, वसामि इरियामि य ।२६। सव्वेए विइया मज्झं, मिच्छादिट्ठी अणारिया । विज्जमाणे परे लोए, सम्मं जाणामि अप्पयं ।२७। प्रहमासि महापाणे, जुइम वरिस-सप्रोवमे । जा सा पालि-महापाली, दिव्वा वरिस-सोवमे ।२८। से चुए बम्भलोगाओ, माणुस भवमागए। अप्पणो य परेसिं च, आउ जाणे जहा तहा ।२६। नाणारुई च छंद च, परिवज्जेज्ज सजए ! अणट्ठा जे य सव्वत्था, इइ विज्जा मणुसचरे ।३०॥ पडिक्कमामि पसिणाणं, परमतेहिं वा पुणो । अहो उठ्ठिए अहोराय, इइ विज्जा तवचरे।३१॥ जं च मे पुच्छसी काले, सम्म सुद्धेण चेयसा। ताई पाउकरे बुद्धे, त नाण जिण-सासणे १३२॥ किरिय च रोयई धीरे, अकिरियं परिवज्जए। दिट्ठीए दिठीसम्पन्ने, धम्म चरसु दुच्चरं ।३३। एयं पुण्णपय सोच्चा, अत्य-धम्मोवसोहियं ।
