________________
384
Catalogue of Palm-Leaf Mss. 211 the
ससिरीया सञ्चाहिट्ठिया य सच्चकनढया युगया । गुरुणो हरिणो व्व कुणंतु बंछियं निच्छियं मज्झ ॥ ८ ॥ इत्थं श्रोयव्वथुईसामत्थेणं जडो वि जंपेमि । सम्मत्ताइपयत्थप्पडिबद्धकहारयणकोसं ॥ ९ ॥
अन्तः
पन्नासऽत्थनिबद्धो एस समप्पइ कहारयणकोसो । जत्तो समुट्ठि) पुण एसो त इण्हि निसुणेह ॥ चंदकुले गुणगणवद्धमाणसिरिवद्धमाणसूरिम्स । सीसा जिणेसरो वुद्धिसागरो सूरिणो जाया ॥ तह कह वि संजमभरो उब्बूढो जेहिं धीरधवलेहिं । अज्ञवसिउ पि तीरइ जह अज्ज वि नेव केहिं पि ॥ ताण जिणचंदसूरी सीसो सिरि अभयदेवसूरी वि। रवि-ससहर व्व पयडा अहेसि सियगुणमऊहेहिं ॥ तेसिं अस्थि विणेओ समत्थसत्थत्थपारपत्तमई । सूरी पसन्नचंदो न नामओ अत्थओ वि परं ।। तस्सेवगेहिं सिरिसुमइवायगाणं विणेयलेसहिं । सिरिदेवभद्दसूरीहि एस रइओ कहाकोसो । संघधुरंधरसिरिसिद्ध-चीरसेट्ठीण वयणओ जेहिं । चरियं चरिमजिणिंदस्स विरइयं वीरनाहस्स ॥ परिकम्मिऊण विहिय च जेहिं सइभब्वलोगपाओग्गं । संवेगरंगसालाभिहाणमाराहणारयणं ।। कंचणकलसविहूसियमुणिसुव्ययभवणमडियम्मि पुरे । भरुयच्छे तेहिं ठिएहिं एस नीओ परिसमत्ति ।। वसुवाणरुसंखे ११५८ वच्चंते विकमाओ कालम्मि । लिहिओ पढमम्मि य पोत्थयम्मि गणि अमलचरेण ।। अलं बहुभणिएण।
