Page Text
________________
अन्त्यकर्मदीपके
गतोऽसि दिव्यलोकं त्वं कृतान्तविहितात्पथः | मनसा वायुभूतेन विप्रे त्वाहं नियोजये || पूजयिष्यामि भोगेन ( एवं विप्रं निमन्त्रयेत् ) इति मन्त्रेणैकैकं निमन्य तैलाभ्यङ्गपूर्वकं स्नापयित्वा सिद्धे पाके उदङ्मुखानुपवेश्य स्वयं दक्षिणाभिमुखो भूत्वा अमुकगोत्रामुकप्रेत ( गोत्रे प्रेते ) ऊनमासिकश्राद्धे एष पादार्घस्तवोपतिष्ठताम् । इति पादार्घ दत्त्वा अन्यत्राह्मणेष्वपि एवमेव द्वितीयमासिकाबुल्लेखपूर्वकं पादार्घन्दद्यात् । ततोऽन्यासनेषु ब्राह्मणानुपवेश्य भूमावेकं कुशं संस्थाप्य तदुपरि पात्रं स्थापयित्वा तदुपर्येकशिखं पवित्रं दत्त्वा जलेनापूर्य गन्धाक्षततिलादीन् तूष्णीं निक्षिप्य हस्ते कुशजलादिकं गृहीत्वा देशकालौ संकीर्त्य अमुकगोत्रस्यामुकप्रेतस्य प्रेतत्वविमुक्तिपूर्वकाक्षयस्वर्गप्राप्तये द्वादशाहे करिष्यमाणसपिण्डीकरणाधिकार सिद्धयर्थमद्यैकादशाहे अपकृष्य ऊनमासिकद्वितीयमा ० त्रैपक्षिक० तृतीयमा ० चतुर्थमा ० पञ्चममा ० षष्ठमा० ऊनषामा० सप्तममा० अष्टममा० नवममा ० दशममा ० एकादशमा० द्वादशमा० ऊनाब्दिकरूपाणि पञ्चदश श्राद्धानि ( अधिकमासे षोडशेतिप्रक्षेप: ) एकतन्त्रेणाहं करिष्ये इति प्रतिज्ञासङ्कल्पं कृत्वा अमुकगोत्रस्यामुकप्रेतस्य ( गोत्रायाः प्रेताया : ) ऊनमासिकश्राद्धे एतत्कुशासनं मद्दत्तं तवोपतिष्ठताम् इति दत्त्वा एवमेव द्वितीयादिमासिकोल्लेखपूर्वकं सर्वेषां कुशासनं दत्त्वा कर्मपात्रस्थापनरीत्या पञ्चदश षोडश वा हस्ता - पात्राणि स्थापयित्वा अद्येहामुक गोत्रामुकप्रेत ( गोत्रे प्रेते ) ऊनमासिकश्राद्धे एष हस्तार्घस्तवोपतिष्ठताम् इति दत्त्वा एवमेव द्वितीयादिमासि कोल्लेख पूर्वकमन्येषामपि हस्तार्थं दत्त्वा ब्राह्मणान् गन्धादिभिरभ्यर्च्य अह अमुकगोत्रामुकप्रेत ( गोत्रे प्रेते ) अर्चनविधौ इमानि गन्धाक्षतपुष्पधूपदीपवासोद्रव्याणि ऊनमासिकश्राद्धे तवोपतिष्ठन्ताम् इत्युच्चार्य विप्रपाणौ जलं क्षिपेत् । एवमेव द्वितीयादिमासि केष्वप्यूहनीयम् ।
प्राग्वृद्धया सर्वेषां पुरतोऽन्नं परिविष्य अमुकगोत्रामुकप्रेत ( गोत्रे प्रेते ) ऊनमासिकश्राद्धे इदमन्नं सोपस्करं यत्परिविष्टं तत्त उपतिष्ठताम् । विप्रकरे सकृदपो वा भुङ्क्ष्वेत्यनुज्ञां दत्वा तृप्तं ज्ञात्वा स्वदितमित्युक्त्वा सुस्वदितमिति प्रत्युक्ते पुनरपो दद्यात् । एवमेव द्वितीयादिमा सिकेष्वपि ।
६०
| SR No. | 010150 |
| Book Title | Antya Karm Dipak |
| Original Sutra Author | N/A |
| Author | Nityanandparvati |
| Publisher | Chaukhamba Sanskruti Pustakalaya |
| Publication Year | 1952 |
| Total Pages | 169 |
| Language | Sanskrit |
| Classification | Book_Devnagari, Ritual_text, Ritual, Religion, & Vidhi |
| File Size | 11 MB |