________________
१२२
अन्त्यकर्मदीपकोत्तरार्धे अग्नौ हुत्वा तु तच्छेषं व्याहृतीभिः समाहितः । यतीन् गृहस्थान् साधून वा निमन्त्र्य द्वादशावरान् ।। अभ्यर्च्य गन्धपुष्पाद्यैर्मन्त्रैर्द्वादशनामभिः । सम्भोज्य हव्येनान्नेन दक्षिणां च निवेदयेत् ॥ त्रयोदशं द्विजश्रेष्ठमात्मसंस्थं जितेन्द्रियम् । विष्णुं यथा तथाऽभ्यर्च्य पाद्याद्यैश्च विधानतः ।। दद्यात्पुरुषसूक्तेन पुष्पहव्यादिकं क्रमात् । वस्त्रालंकरणादीनि यथाशक्ति प्रदापयेत् ॥ उच्छिष्टसन्निधौ तस्य दर्भानास्तीर्य भूतले । भूर्भुवःस्वःस्वधायुक्तैस्तस्मै दद्यादलित्रयम् ।। अश्वमेधसहस्रस्य वाजपेयशतस्य च ।
यत्फलं तल्लभेदेवं यः करोति यतिक्रियाम् । इति । निमित्तान्याह शौनक:
शौनकोऽहं प्रवक्ष्यामि नारावणबलिं परम् । चाण्डालादुदकात्सर्पाद् ब्राह्मणाद्वैद्युतादपि ॥ दंष्ट्रिभ्यश्च पशुभ्यश्च रज्जुशस्त्रविषाश्मभिः । देशान्तरे मृतानां च मृतानां चान्यसाधनैः ।। जीवच्छाद्धमृतानां च कनिष्ठानां तथैव च । यतीनां योगिनां पुंसामन्येषां मोक्षकाविणाम् ॥ पूर्वपापक्षयार्थाय द्वादशेऽहनि कारयेत् ।
द्वादश्यां श्रवणेऽब्दान्ते पञ्चम्यां पर्वणोस्तु वा ॥ इति । यम:-हंसे मृते सुतः कुर्यात्पार्वणं पितृयज्ञवत् ।
नारायणबलिं चैव तथा परमहंसके । विष्णुं सम्पूज्य विधिवदत्त्वाऽयं बलिमुत्तमम् । चरुं हुत्वा तु सूक्तेन पौरुषेण तु षोडश ॥ केशवाद्यैादशभिर्नामभिर्जुहुयात्तथा । द्वादश ब्राह्मणा भोज्या विष्णवर्थे तु त्रयोदशः ॥ पूर्वपक्षे केशवाद्या. कृष्णे सङ्कर्षणादयः ।
