________________
हथियार ल्हको दिए ।
फेर ओ राज्जा दंडक तै मिल्लण गया। रात नैं पाल्लक दीख्या तै दंडक चौंक्या । पाल्लक बोल्या, "म्हाराज । भूंडी खबर सैं। सकंदक थारा रस्तेदार सै अर ओ मुनी बण रहूया सै। लेक्यन ओ मुनी का भेस भर के आपणे पाँच से मुनी के भेस आले फौजियां गल्लां बाग मैं ठैहर इहूया सै। मन्नैं बेरा लाग्या सै अक ओ इस राज नैं हड़पणा चाहूवै सै।
राज्जा बोल्या अक, न्यूं क्यूकर ?
-
पाल्लक नैं कहूया - म्हाराज न्यूं- ए सै। या राज-पाट की भूख घणी माड़ी हो सै । इस भूख तैं माणस रस्तेदारी ने भी गोल्या ना करदा । थाम मेरी गेल्लां चाल्लो। सांच-झूठ का बेरा इब्बे लाग ज्यागा ।" न्यूं सुण कै राज्जा पाल्लक गेल्लां बाग मैं पहोंच्या । पाल्लक नैं खड्ढे खोदे । हथियार राज्जा तै दिखाए अर बोल्या, “देख लिया म्हाराज! आपणी आक्खां तैं देख ल्यो । इस मुनी का भेस भरे होए सकंदक अर इसके सात्थियां तै वा सजा मिलणी चहिए अक ओर दुस्मन भी याद राक्ख !” राज्जा नैं पाल्लक तै कही, रे ! तन्नैं तै म्हारा राज बचा दिया। ना तैं ये दुसट तै हमनें खतम कर देंदे। ईब जीसी तेरे जी मैं आवै, ऊसी-ए सजा इन तै दे दे । "
दंडक नैं न्यूं कही तै पाल्लक राज्जी हो कै नाच्चण लाग्या ।
तड़का होया । पाल्लक नैं थोड़े-से फोजी गेल्लां लिए अर बाग चारूं कान्नीं तै घेर लिया। जल्लादां तै हुकम दे दिया, "देक्खो के सो ? इन पखंडियां नैं कोल्हू मैं गेर के पीस द्यो ।”
न्यूं देख कै सारे साधू हैरान रैहूगे। पर किस्से नैं कुछ ना कही ।
हरियाणवी जैन कथायें / 66
