________________
भगवान बोल्ले- "राज्जा ! मामन धोरै पाप का धन सै। जाएं तै ओ दुखी सै । जिस धन तै आदमी का जी आच्छे काम करण मैं लाग्गै, ओ धन पुन्न का अर जिस तै जी मैं कोए आच्छा काम करण का ख्याल ना आवै ओ धन पाप का हो सै ।" राज्जा के सारी बात सिमझ में आ गी।
भगवान धोरे तै उलटा आ के राज्जा नैं सारी बात राणी आग्गै बताई।
राणी नैं सच्चाई का बेरा पाट्या तैं वा बोल्ली, "धन तै गिरस्ती की खात्तर साद्धन सै । लोग्गां नैं ओ हे मकसद बणा लीया, जाएं तै दुखी हैं सैं । मैं तै न्यूं सोचूं थी अक म्हारे राज मैं कितणे गरीब अर दुखी लोग सैं पर ईब सिमझ में आई अक मामन बरगे लोग तै तिरिसना अर लोभ की मारी मरे जां सैं ।"
00
मामन सेट के बलद/63
