________________
१२. लोहिच्चसुत्तवण्णना
लोहिच्चब्राह्मणवत्थुवण्णना ५०१. एवं केवट्टसुत्तं संवण्णेत्वा इदानि लोहिच्चसुत्तं संवण्णेन्तो यथानुपुब्बं संवण्णनोकासस्स पत्तभावं विभावेतुं, केवट्टसुत्तस्सानन्तरं सङ्गीतस्स सुत्तस्स लोहिच्चसुत्तभावं वा पकासेतुं "एवं मे सुतं...पे०... कोसलेसूति लोहिच्चसुत्त"न्ति आह । सालवतिकाति कारणमन्तरेन इथिलिङ्गवसेन तस्स गामस्स नामं। गामणिकाभावेनाति केचि । वतियाति कण्टकसाखादिवतिया। लोहितो नाम तस्स कुले पुब्बपुरिसो, तब्सवसेन लोहितस्स अपच्चं लोहिच्चोति ब्राह्मणस्स गोत्ततो आगतनामं ।
५०२. “किहि परो परस्स करिस्सती"ति परानुकम्पा विरहितत्ता लामकं। न तु उच्छेदसस्सतानं अञतरस्साति आह "न पना"तिआदि । दिट्ठिगतन्ति हि लद्धिमत्तं अधिप्पेतं, अञथा उच्च्छेदसस्सतग्गाहविनिमुत्तो कोचि दिट्ठिग्गाहो नाम नत्थीति तेसमञ्जतरं सिया। “उप्पन्नं होती"ति इदं मनसि, वचसि च उप्पन्नतासाधारणवचनन्ति दस्सेति "न केवलञ्चा"तिआदिना। सो किर...पे०... भासतियेवाति च तस्सा लद्धिया लोके पाकटभावं वदति । यस्मा पन अत्ततो अञो परो होति, तस्मा यथा अनुसासकतो अनुसासितब्बो परो, एवं अनुसासितब्बतोपि अनुसासकोति दस्सेतुं "परो"तिआदि वुत्तं । किं-सद्दापेक्खाय चेत्थ "करिस्सती"ति अनागतकालवचनं, अनागतेपि वा तेन तस्स कातब्बं नत्थीति दस्सनत्थं । कुसलं धम्मन्ति अनवज्जधम्मं निक्किलेसधम्मं, विमोक्खधम्मन्ति अत्थो । “परेसं धम्म कथेस्सामी"ति तेहि अत्तानं परिवारापेत्वा विचरणं किमत्थियं, आसयवुद्धस्सपि अनुरोधेन विना तं न होति, तस्मा अत्तना...पे०... विहातब्बन्ति वदति । तेनाह “एवंसम्पदमिदं पापकं लोभधम्मं वदामी''ति ।
370
Jain Education International
For Private & Personal Use Only
www.jainelibrary.org
