________________
(२.३.२६७-२६७)
दासिपुत्तवादवण्णना
२२१
"तस्स पुत्तो महातेजो, रोजो नाम महीपति । तस्स पुत्तो वररोजो, पवरो राजमण्डले ।।
तस्सासि कल्याणगुणो, कल्याणो नाम अत्रजो । राजा तस्सासि तनयो, वरकल्याणनामको ।।
तस्स पुत्तो महावीरो, मन्धाता कामभोगिनं । अग्गभूतो महिन्देन, अड्डरज्जेन पूजितो ।।
तस्स सूनु महातेजो, वरमन्धातुनामको । 'उपोसथोति नामेन, तस्स पुत्तो महायसो ।।
वरो नाम महातेजो, तस्स पुत्तो महावरो । तस्सासि उपवरोति, पुत्तो राजा महाबलो ।।
तस्स पुत्तो मघदेवो, देवतुल्यो महीपति । चतुरासीति सहस्सानि, तस्स पुत्तपरम्परा ।।
तेसं पच्छिमको राजा, ‘ओक्काको'इति विस्सुतो महायसो महातेजो, अखुद्दो राजमण्डले''ति ।। (दी० नि० टी० १.२६७)
इदं अट्ठकथानुपरोधवचनं । यं पन दीपवंसे वुत्तं
"पठमाभिसित्तो राजा, भूमिपालो जुतिन्धरो । महासम्मतो नामेन, रज्जं कारेसि खत्तियो ।।
तस्स पुत्तो रोजो नाम, वररोजो च खत्तियो । कल्याणो वरकल्याणो, उपोसथो महिस्सरो ।।
मन्धाता सत्तमो तेसं, चतुदीपम्हि इस्सरो ।
221
Jain Education International
For Private & Personal Use Only
www.jainelibrary.org
