Page Text
________________
( २.२.२१४ - २१४)
सतिसम्पजञ्ञकथावण्णना
तेन, कम्मट्ठानमनसिकारसभावेनाति अत्थो । एवमेत्थापीति अपि सद्देन हेट्ठा वुत्तं आलोकितविलोकितपक्खमपेक्खनं करोति । अयं नयो उपरिपि ।
सुत्ताकडुनवसेनाति यन्ते योजितसुत्तानं आविञ्छनवसेन । दारुयन्तस्साति दारुना कतयन्तरूपस्स । तं तं किरियं याति पापुणाति हत्थपादादीहि वा तं तं आकारं कुरुमानं याति गच्छतीति यन्तं, नटकादिपञ्चालिकारूपं, दारुना कतं यन्तं तथा, निदस्सनमत्तञ्चेतं। तथा हि नं पोत्थेन वत्थेन अलङ्करियत्ता पोत्थलिका, पञ्च अङ्गानि यस्सा सजीवस्सेवाति पञ्चालिकाति च वोहरन्ति । हत्थपादलळनन्ति हत्थपादानं कम्पनं, हत्थपादेहि वा लीळाकरणं ।
सङ्घाटिपत्तचीवरधारणेति
एत्थ सङ्घाटिचीवरानं समानधारणताय एकतोदस्सनं गन्थगरुतापनयनत्थं, अन्तरवासकस्स निवासनवसेन, सेसानं पारुपनवसेनाति यथारहमत्थो । तत्थाति सङ्घाटिचीवरधारणपत्तधारणेसु । वृत्तप्पकारोति पच्चवेक्खणविधिना सुत्ते वृत्तप्पभेदो ।
Jain Education International
८५
परिळाहबहुलकायस्स |
उपकतिकस्साति उण्हालुकस्स तालुका सीतबहुलकायस्स । घनन्ति अप्पितं । दुपट्टन्ति निदस्सनमत्तं । “उतुद्धटानं दुस्सानं चतुग्गुणं सङ्घाटिं, दिगुणं उत्तरासङ्गं, दिगुणं अन्तरवासकं, पंसुकूले यावदत्थ "न्ति ( महाव० ३४८) हि वृत्तं । विपरीतन्ति तदुभयतो विपरीतं, तेसं तिण्णम्पि असप्पायं । कस्माति आह “अग्गळादिदानेना”तिआदि । उद्धरित्वा अल्लीयापनखण्डं अग्गळं । आदिसद्देन तुन्नकम्मादीनि सङ्गण्हाति । तथा-सद्दो अनुकड्ढनत्थो, असप्पायमेवाति । पट्टुण्णदेसे पाणकेहि सञ्जातवत्थं पट्टणं । वाकविसेसमयं सेतवण्णं दुकूलं । आदिसद्देन कोसेय्यकम्बलादिकं सानुलोमं कप्पियचीवरं सङ्गण्हाति । कस्माति वुत्तं "तादिसही "तिआदि । अरज्ञ एककस्स निवासन्तरायकरन्ति ब्रह्मचरियन्तरायेकदेसमाह । चोरादिसाधारणतो च तथा वृत्तं । निप्परियायेन तं असप्पायन्ति सम्बन्धो । अनेनेव यथावुत्तमसप्पायं अनेकन्तं तथारूपपच्चयेन कस्सचि कदाचि सप्पायसम्भवतो । इदं पन द्वयं एकन्तमेव असप्पायं कस्सचि कदाचिपि सप्पायाभावतोति दस्सेति । मिच्छा आजीवन्ति एतेनाति मिच्छाजीवो, अनेसनवसेन पच्चयपरियेसनपयोगो। निमित्तकम्मादीहि पवत्तो मिच्छाजीवो तथा, एतेन एकवीसतिविधं अनेसनपयोगमाह। वुत्तञ्हि सुत्तनिपातट्ठकथायं खुद्दकपाठट्ठकथायञ्च मेत्तसुत्तवण्णनायं -
"यो इमस्मि सासने पब्बजित्वा अत्तानं न सम्मा पयोजति, खण्डसीला
85
For Private & Personal Use Only
www.jainelibrary.org
| SR No. | 009986 |
| Book Title | Silakkhandhavagga Abhinava Tika Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 456 |
| Language | Sanskrit |
| Classification | Interfaith & Buddhism |
| File Size | 18 MB |