________________
२६४
दीघनिकाये सीलक्खन्धवग्गअभिनवटीका- १
मिच्छादिट्ठि न सेवन्ति, कम्मकिरियदस्सना । वसमानापि सग्गेसु, अस नुपपज्जरे । ।
सुद्धावासेसु देवेसु, हेतु नाम न विज्जति । नेक्खम्मनिन्ना सप्पुरिसा, विसंयुत्ता भवाभवे । चरन्ति लोकत्थचरियायो, पूरेन्ति सब्बपारमी" ति ।। (अट्ठ० सा० निदानकथा; च० पि० पकिण्णककथ; अप० अट्ठ० १. दूरेनिदानकथ; जा० अट्ठ० १. दूरेनिदानकथा; बु० वं० अट्ठ० २७. दूरेनिदानकथा) ।
एवं संवण्णिता आनिसंसा, ये च “सतो सम्पजानो आनन्द बोधिसत्तो तुसिता काया चवित्वा मातुकुच्छिं ओक्कमती”तिआदिना (म० नि० ३. २०४) सोळस अच्छरियब्भुतधम्मप्पकारा, ये च "सीतं व्यपगतं होति, उण्हञ्च वूपसमती' तिआदिना, ( खु० नि० ४-३१३ पिट्ठे) "जायमाने खो सारिपुत्त, बोधिसत्ते अयं दससहस्सिलोकधातु सङ्कम्पति सम्पकम्पति सम्पवेधती' 'तिआदिना च द्वत्तिंस पुब्बनिमित्तप्पकारा, ये वा पनञ्ञेपि बोधिसत्तानं अधिप्पायसमिज्झनं, कम्मादीसु च वसिभावोति एवमादयो तत्थ तथ जातकबुद्धवंसादीसु दस्सितप्पकारा आनिसंसा, ते सब्बेपि एतासं आनिसंसा, तथा यथानिदस्सितभेदा अलोभादोसादिगुणयुगळादयो चाति वेदितब्बा ।
(१.१.७-७)
अपिच यस्मा बोधिसत्तो अभिनीहारतो पट्ठाय सब्बसत्तानं पितुसमो होति हितेसिताय, दक्खिणेय्यको गरु भावनीयो परमञ्च पुञ्ञक्खेत्तं होति गुणविसेसयोगेन, येभुय्येन च मनुस्सानं पियो होति, अमनुस्सानं पियो होति, देवताहि अनुपालीयति, मेत्ताकरुणापरिभावितसन्तानताय वाळमिगादीहि च अनभिभवनीयो होति, यस्मिं यस्मिञ्च सत्तनिकाये पच्चाजायति, तस्मिं तस्मिं उळारेन वण्णेन उळारेन यसेन उळारेन सुखेन उळारेन बलेन उळारेन आधिपतेय्येन अञ्जे सत्ते अभिभवति पुञ्ञविसेसयोगतो ।
Jain Education International
अप्पाबाधो होति अप्पातङ्को, सुविसुद्धा चस्स सद्धा होति सुविसदा, सुविसुद्धं वीरियं, सति समाधि पञ्ञा सुविसदा, मन्दकिलेसो होति मन्ददरथो मन्दपरिळाहो, किलेसानं मन्दभावेनेव सुब्बचो होति पदक्खिणग्गाही, खमो होति सोरतो, सखिलो होत पटिसन्धारकुसलो, अकोधनो होति अनुपनाही, अमक्खी होति अपळासी, अनिस्की होत अमच्छरी, असठो होति अमायावी, अथद्धो होति अनतिमानी, असारद्धो होति
264
For Private & Personal Use Only
www.jainelibrary.org
