________________
(१.१.७-७)
चूळसीलवणना
अलीनानुद्धतञायारम्भवसेन लोभादिपटिपक्खं वीरियं, इट्ठानिट्ठसुञतानं खमनतो लोभादिपटिपक्खा खन्ति, सतिपि परेसं उपकारे, अपकारे च यथाभूतप्पवत्तिया लोभादिपटिपक्खं सच्चं, लोकधम्मे अभिभुय्य यथासमादिन्नेसु सम्भारेसु अचलनतो लोभादिपरिपक्खं अधिट्ठानं, नीवरणविवेकतो लोभादिपटिपक्खा मेत्ता, इट्ठानिट्ठेसु अनुनयपटिघविद्धंसनतो, समप्पवत्तितो च लोभादिपटिपक्खा उपेक्खाति दट्टब्बं ।
का पटिपत्तीति
दानाकारादयो एव, उप्पादिता अनेकधा । पटिपत्तीति विञ्ञेय्या, पारमीपूरणक्कमे ।।
Jain Education International
दानपारमिया हि ताव सुखूपकरणसरीरजीवितपरिच्चागेन, भयापनयनेन, धम्मोपदेसेन च बहुधा सत्तानं अनुग्गहकरणं पटिपत्ति । तत्थ आमिसदानं अभयदानं धम्मदानन्ति दातब्बवत्थुवसेन तिविधं दानं । तेसु बोधिसत्तस्स दातब्बवत्थु अज्झत्तिकं, बाहिरन्ति दुविधं । तत्थ बाहिरं अन्नं पानं वत्थं यानं माला गन्धं विलेपनं सेय्या आवसथं पदीपेय्यन्ति दसविधं । अन्नादीनं खादनीयभोजनीयादिविभागेन अनेकविधञ्च । तथा रूपारम्मणं याव धम्मारम्मणन्ति आरम्मणतो छब्बिधं । रूपारम्मणादीनञ्च नीलादिविभागेन अनेकविधं । तथा मणिकनकरजतमुत्तापवाळादिखेत्तवत्थुआरामादि दासीदासगोमहिंसादिनानाविधवत्थूपकरणवसेन
अनेकविधं ।
तत्थ महापुरिसो बाहिरं वत्युं देन्तो “यो येन अस्थिको, तं तस्सेव देति । देन्तो च तस्स अस्थिको ति सयमेव जानन्तो अयाचितोपि देति, पगेव याचितो । मुत्तचागो देति, नो अमुत्तचागो । परियत्तं देति, नो अपरियत्तं । सति देव्यधम्मे पच्चुपकारसन्निस्सितो न देति, असति देय्यधम्मे, परियत्ते च संविभागारहं विभजति । न च देति परूपघातावहं सत्थविसमज्जादिकं, नापि कीळनकं, यं अनत्थुपसंहितं, पमादावहञ्च न च गिलानस्स याचकस्स पानभोजनादिअसप्पायं, पमाणरहितं वा देति, पमाणयुत्तं पन सप्पायमेव देति ।
२३९
,
तथा याचितो गहट्टानं गहट्ठानुच्छविकं देति पब्बजितानं पब्बजितानुच्छविकं देति । मातापितरो ञातिसालोहिता मित्तामच्चा पुत्तदारदासकम्मकराति एतेसु कस्सचि पीळं अजनेन्तो देति, न च उळारं देय्यधम्मं पटिजानित्वा लूखं देति, न च
239
For Private & Personal Use Only
www.jainelibrary.org
