Page Text
________________
२२८
दीघनिकाये सीलक्खन्धवग्गअभिनवटीका-१
वीरिय... पे०... कोसज्जे...पे०... खन्ति...पे०... अक्खन्तियं...पे०... सच्च...पे०... विसंवादने...पे०... अधिट्ठान... पे०... अनधिद्वाने...पे..... मेत्ता... पे०... ब्यापादे...पे०... उपेक्खा...पे०... सुखदुक्खेसु आदीनवदस्साविनो 'ति ।
एतेसु हि मच्छेर असंवरकामविचिकिच्छाकोसज्ज अक्खन्तिविसंवादन अनधिट्ठानब्यापादसुखदुक्खसङ्घातेसु आदीनवदरसनपुब्बङ्गमा दानादिनिन्नचित्ततासङ्घाता दानज्झासयतादयो दानादिपारमीनं निब्बत्तिया पच्चयो । तथा अपरिच्चागपरिच्चागादीसु यथाक्कमं आदीनवानिसंसपच्चवेक्खणम्पि दानादिपारमीनं पच्चयो होति ।
(१.१.७-७)
तत्रायं पच्चवेक्खणाविधि खेत्तवत्थुहिरञ्ञसुवण्णगोमहिं सदासीदासपुत्तदारादिपरिग्गहब्यासत्तचित्तानं सत्तानं खेत्तादीनं वत्थुकामभावेन बहुपत्थनीयभावतो, राजचोरादिसाधारणभावतो, विवादाधिट्ठानतो, सपत्तकरणतो, निस्सारतो, पटिलाभपरिपालनेसु परविहेठनहेतुभावतो, विनासनिमित्तञ्चसोकादि अनेकविहितब्यसनावहतो तदासत्तिनिदानञ्च मच्छेरमलपरियुट्ठितचित्तानं अपायूपपत्तिहेतुभावतोति एवं विविधविपुलानत्थावहानि परिग्गहितवत्थूनि नाम, तेसं परिच्चागोयेवेको सोत्थिभावोति परिच्चागे अप्पमादो करणीयो ।
अपिच ‘“याचको याचमानो अत्तनो गुहस्स आचिक्खनतो मय्हं विस्सासिको 'ति च "पहाय गमनीयं अत्तनो सन्तकं गहेत्वा परलोकं याहीतिउपदिसनतो मय्हं उपदेसको "ति च “आदित्ते विय अगारे मरणग्गिना आदित्ते लोके ततो मय्हं सन्तकस्स अपहरणतो अपवाहकसहायो" ति च " अपवाहितस्स चस्स अज्झापननिक्खेपट्टानभूतो "ति च “दानसङ्घाते कल्याणकम्मस्मिं सहायभावतो, सब्बसम्पत्तीनं अग्गभूताय परमदुल्लभाय बुद्धभूमिया सम्पत्तिहेतुभावतो च परमो कल्याणमित्तो 'ति च पच्चवेक्खितब्बं ।
Jain Education International
तथा “उळारे कम्मनि अनेनाहं सम्भावितो, तस्मा सा सम्भावना अवितथा कातब्बा "ति च “एकन्तभेदिताय जीवितस्स आयाचितेनापि मया दातब्बं, पगेव याचितेना" ति च “उळारज्झासयेहि गवेसित्वापि दातब्बो, [दातब्बतो (च० पि० अट्ट० पकिण्णककथावण्णना)] सयमेवागतो मम पुनाति च "याचकस्स दानापदेसेन मय्हमेवायमनुग्गहो” ति च " अहं विय अयं सब्बोपि लोको मया अनुग्गहेतब्बो "ति च “असति याचके कथं मय्हं दानपारमी पूरेय्या'ति च " याचकानमेवत्थाय मया सब्ब परिग्गहेतब्बो’”ति च ‘“अयाचित्वापि मं मम सन्तकं याचका कदा सयमेव गण्हेय्यु "न्ति
228
For Private & Personal Use Only
www.jainelibrary.org
| SR No. | 009985 |
| Book Title | Silakkhandhavagga Abhinava Tika Part 1 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 516 |
| Language | Sanskrit |
| Classification | Interfaith, Buddhism, R000, & R005 |
| File Size | 19 MB |