Page Text
________________
(१.१.७-७)
तेनिदं कारणं दस्सेति " यस्मा सीलं किञ्चापि पतिट्ठाभावेन समाधिस्स बहूपकारं, पभावादिगुणविसेसे पनस्स उपनिधाय कलम्पि भागं न उपेति, तथा समाधि च पञ्ञाया" ति । तेनेवाह " तस्मा "तिआदि । न पापुणातीति गुणसमभावेन न सम्पापुणाति, न समेतीति वृत्तं होति । उपरिमन्ति समाधिप । उपनिधायाति उपत्थम्भं कत्वा । तञ्हि तादिसाय पञ्ञत्तिया उपत्थम्भनं होति । हेट्ठिमन्ति सीलसमाधिद्वयं ।
(
'कथ" न्तिआदि वित्थारवचनं । कण्डम्बमूलिकपाटिहारियकथनञ्चेत्थ यथाकथञ्चिपि सीलस्स समाधिमपापुणतासिद्धियेविधाधिप्पेताति पाकटतरपाटिहारियभावेन, निदरसननयेन चाति दट्ठब्बं । “अभि... पे०... तित्थियमद्दन "न्ति इदं पन तस्स यमकपाटिहारियस्स सुपाकटभावदस्सनत्थं, अञ्जेहि बोधिमूले ञातिसमागमादीसु च कतपाटिहारियेहि विसेसदस्सनत्थञ्च वुत्तं । सम्बोधितो हि अट्ठमेपि दिवसे देवतानं “बुद्धो वा नो वा ति उप्पन्नकङ्क्षाविधमनत्थं आकासे रतनचङ्कमं मापेत्वा चङ्कमन्तो पाटिहारियं अकासि, ततो दुतियसंवच्छरे कुलनगरगतो कपिलवत्थुपुरे निग्रोधारामे जातीनं समागमेपि सं मानमदप्पहानत्थं यमकपाटिहारियं अकासि । तत्थ अभिसम्बोधितोति अभिसम्बुज्झनकालतो । सावत्थिनगरद्वारेति सावत्थिनगरस्स दक्खिणद्वारे । कण्डम्बरुक्खमूलेति कण्डेन नाम पसेनदिरञ उय्यानपालेन रोपितत्ता कण्डम्बनामकस्स रुक्खस्स मूले | यमकपाटिहारियकरणत्थाय भगवतो चित्ते उप्पन्ने “ तदनुच्छविकं ठानं इच्छितब्ब"न्ति रतनमण्डपादि सक्केन देवरञ्ञा आणत्तेन विस्सकम्मुना कतन्ति वदन्ति केचि । भगवा निम्मितन्ति अपरे । अट्ठकथासु पन अनेकासु “सक्केन देवानमिन्देन आणापितेन विस्सकम्मदेवपुत्तेन मण्डपो कतो, चङ्कमो पन भगवता निम्मितो 'ति वृत्तं । दिब्बसेतच्छत्ते देवताहि धारियमानेति अत्थो विञ्ञायति अञ्ञसमसम्भवतो । “द्वादसयोजनाय परिसाया "ति इदं चतूसु दिसासु पच्चेकं द्वादसयोजनं मनुस्स परिसं सन्धाय वुत्तं । तदा किर दससहस्सिलोकधातुतो चक्कवाळगब्भं परिपूरेत्वा देवब्रह्मानोपि सन्निपतिंसु । यो कोचि एवरूपं पाटिहारियं कातुं समत्थो चे, सो आगच्छतूति चोदनासदिसत्ता वुत्तं “अत्तादानपरिदीपन "न्ति । अत्तादानञ्हि अनुयोगो परिपक्खस्स अत्तस्स आदानं गहणन्ति कत्वा । तित्थियमद्दनन्ति “पाटिहारियं करिस्सामा "ति कुहायनवसेन पुब्बे उट्ठितानं तित्थियानं मद्दनं, तञ्च तथा कातुं असमत्थतासम्पादनमेव । तदेतं पदद्वयं " यमकपाटिहारियन्ति एतेन सम्बन्धितब्बं । राजगहसेट्टिनो चन्दनघटिकुप्पत्तितो पट्ठाय सब्बमेव चेत्थ वत्तब्बं ।
Jain Education International
२०५
205
For Private & Personal Use Only
www.jainelibrary.org
| SR No. | 009985 |
| Book Title | Silakkhandhavagga Abhinava Tika Part 1 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 516 |
| Language | Sanskrit |
| Classification | Interfaith, Buddhism, R000, & R005 |
| File Size | 19 MB |