________________
पठममहासङ्गीतिकथावण्णना
११७
सट्ठिनिपाते द्वे, तथा सत्ततिनिपाते, असीतिनिपाते पञ्च, महानिपाते दसाति सत्तचत्तालीसाधिकानेव पञ्च जातकसतानि सङ्गीतानीति ।
अब्भुतो धम्मो सभावो वुत्तो यत्थाति अन्भुतधम्म, तं पनिदन्ति आह "चत्तारोमे"तिआदि । आदिसद्देन चेत्थ -
"चत्तारोमे भिक्खवे, अच्छरिया अब्भुता धम्मा आनन्दे । कतमे चत्तारो ? सचे भिक्खवे, भिक्खुपरिसा आनन्दं दस्सनाय उपसङ्कमति, दस्सनेनपि सा अत्तमना होति । तत्र चे आनन्दो, धम्मं भासति, भासितेनपि सा अत्तमना होति, अतित्ताव भिक्खवे भिक्खुपरिसा होति, अथ आनन्दो तुण्ही भवति । सचे भिक्खवे, भिक्खुनीपरिसा...पे०... उपासकपरिसा...पे०... उपासिका - परिसा...पे०... तुण्ही भवति । इमे खो भिक्खवे...पे०... आनन्दे"ति (अ० नि० ४.१२९)
एवमादिनयप्पवत्तं तत्थ तत्थ भासितं सब्बम्पि अच्छरियब्भुतधम्मपटिसंयुत्तं सुत्तन्तं सङ्गण्हाति ।
चूळवेदल्लादीसु (म० नि० १.४६०) विसाखेन नाम उपासकेन पुट्ठाय धम्मदिन्नाय नाम भिक्खुनिया भासितं सुत्तं चूळवेदल्लं नाम | महाकोट्टिकत्थेरेन पुच्छितेन आयस्मता सारिपुत्तत्थेरेन भासितं महावेदल्लं (म० नि० १.४४९) नाम | सम्मादिद्विसुत्तम्पि (म० नि० १.८९) भिक्खूहि पुढेन तेनेव भासितं, एतानि मज्झिमनिकायपरियापन्नानि । सक्कपहं (दी० नि० २.३४४) पन सक्केन पुट्ठो भगवा अभासि, तं दीघनिकायपरियापन्नं । महापुण्णमसुत्तं (म० नि० ३.८५) पन तदहुपोसथे पन्नरसे पुण्णमाय रत्तिया अञतरेन भिक्खुना पुढेन भगवता भासितं, तं मज्झिमनिकायपरियापन्नं । एवमादयो सब्बेपि तत्थ तत्थागता वेदञ्च तुट्ठिञ्च लद्धा लद्धा पुच्छितसुत्तन्ता “वेदल्ल"न्ति वेदितब्बं । वेदन्ति आणं । तुट्ठिन्ति यथाभासितधम्मदेसनं विदित्वा “साधु अय्ये साधावुसो"तिआदिना अब्भनुमोदनवसप्पवत्तं पीतिसोमनस्सं । लद्धा लद्धाति लभित्वा लभित्वा, पुनप्पुनं लभित्वाति वुत्तं होति, एतेन वेदसद्दो जाणे, सोमनस्से च एकसेसनयेन, सामञ्जनिद्देसेन वा पवत्तति, वेदम्हि निस्सितं तस्स लभापनवसेनाति वेदल्लन्ति च दस्सेति ।
117
Jain Education International
For Private & Personal Use Only
www.jainelibrary.org
