________________
४. अग्गसुत्तवण्णना
वासेट्ठभारद्वाजवण्णना
१११. एत्थाति “पुब्बारामे, मिगारमातुपासादे"ति एतस्मिं पदद्वये। कोयं पुब्बारामो, कथञ्च पुब्बारामो, का च मिगारमाता, कथञ्चस्सा पासादो अहोसीति एतस्मिं अन्तोलीने अनुयोगे | अयं इदानि वुच्चमाना अनुपुब्बिकथा आदितो पट्ठाय सोपेनेव अनुपुब्बिकथा । पदुमुत्तरं भगवन्तं एकं उपासिकं अग्गुपट्टायिकट्ठाने ठपेन्तिं दिस्वान तत्थ सञ्जातगारवबहुमाना तमेवत्थं पुरक्खत्वा भगवन्तं निमन्तेत्वा। मेण्डकपुत्तस्साति मेण्डकसेट्ठिपुत्तस्स । सोतापना अहोसि तथा कताधिकारत्ता ।
मातुट्ठाने ठपेसि अत्तनो सीलाचारसम्पत्तिया गरुट्टानियत्ता। उपयोगन्ति तत्थ तत्थ अप्पेतब्बट्ठाने अप्पनावसेन विनियोगं अगमंसु । अझेहि च वेकुरियलोहितङ्कमसारगल्लादीहि । भस्सतीति ओतरति । सुद्धपासादोव न सोभतीति केवलो एकपासादो एव विहारो न सोभति । नियूहानि बहूनि नीहरित्वा कत्तब्बसेनासनानि "दुवड्ढगेहानी"ति वदन्ति । मज्झे गब्भो समन्ततो अनुपरियायतोति एवं द्विक्खत्तुं वड्वेत्वा कतसेनासनानि दुवड्ढगेहानि। चूळपासादाति खुद्दकपासादा ।
उत्तरदेवीविहारो नाम नगरस्स पाचीनद्वारसमीपे कतविहारो ।
तित्थियलिङ्गस्स अग्गहितत्ता नेव तिथियपरिवासं वसन्ति। अनुपसम्पन्नभावतो आपत्तिया आपन्नाय अभावतो न आपत्तिपरिवासं वसन्ति। भिक्खुभावन्ति उपसम्पदं । तेविज्जसुत्तन्ति इमस्मिं दीघनिकाये तेविज्जसुत्तं सुत्वा ।
33
Jain Education International
For Private & Personal Use Only
www.jainelibrary.org
