________________
२. उदुम्बरिकसुत्तवण्णना
निग्रोधपरिब्बाजकवत्थुवण्णना
४९. उदुम्बरिकायाति सम्बन्धे सामिवचनन्ति आह "उदुम्बरिकाय देविया सन्तके परिब्बाजकारामेति । “उदुम्बरिकाय"न्ति वा पाठो, तथा सति अधिकरणे एतं भुम्मं । अयव्हेत्थ अत्थो उदुम्बरिकाय रञ्जो देविया निब्बत्तितो आरामो उदुम्बरिका, तस्सं उदुम्बरिकायं । तेनाह "उदुम्बरिकाय देविया सन्तके'ति । ताय हि निब्बत्तितो तस्सा सन्तको | वरणादिपाठवसेन चेत्थ निब्बत्तत्थबोधकस्स सद्दस्स अदस्सनं । सन्धानोति भिन्नानम्पि तेसं सन्धापनेन “सन्धानो"ति एवं लद्धनामो। संवण्णितोति पसंसितो । इरियतीति पवत्तति । अरियेन जाणेनाति किलेसेहि आरकत्ता अरियेन लोकुत्तरेन आणेन । अरियाय विमुत्तियाति सुविसुद्धाय लोकुत्तरफलविमुत्तिया ।
दिवा-सद्दो दिन-सद्दो विय दिवसपरियायो, तस्स विसेसनभावेन वुच्चमानो दिवा-सद्दो सविसेसं दिवसभागं दीपेतीति आह "दिवसस्स दिवा"तिआदि । यस्मा समापन्नस्स चित्तं नानारम्मणतो पटिसंहतं होति, झानसमङ्गी च पविवेकूपगमनेन सङ्गणिकाभावतो एकाकियाय निलीनो विय होति, तस्मा वुत्तं "ततो ततो...पे०... गतो"ति । मनो भवन्ति मनसो विवट्टनिस्सितं वडिं आवहन्तीति मनोभावनियाति आह "मनवड्कान"न्तिआदि | उन्नमति न सङ्कुचति, अलीनञ्च होतीति अत्थो ।
५१. यावताति यावन्तोति अयमेत्थ अत्थोति आह “यत्तका''ति । तेसन्ति निद्धारणे सामिवचनं । निद्धारणञ्च केनचि विसेसेन इच्छितब्बं । येहि च गुणविसेसेहि समन्नागता भगवतो सावका उपासका राजगहे पटिवसन्ति, अयञ्च तेहि समन्नागतोति इमं विसेसं दीपेतुं “तेसं अन्भन्तरो"ति वुत्तं । तेनाह "भगवतो किरा"तिआदि ।
13
Jain Education International
For Private & Personal Use Only
www.jainelibrary.org
