Page Text
________________
२००
दीघनिकाये पाथिकवग्गटीका
(१०.३०९-३०९)
मनुस्सानं केसेहि कतकम्बलं केसकम्बलं। चामरीवालअस्सवालादीहि कतं वालकम्बलं । मकचितन्तूहि वायितो पोत्थको। चम्मन्ति मिगचम्मादि यं किञ्चि चम्मं । उलूकपक्खेहि गन्थेत्वा कतचीवरं उलूकपक्खं । भुजतचादिमयं रुक्खदुस्सं, तिरीटकन्ति अत्थो । सुखुमतराहि लतावाकेहि वायितं लतादुस्सं। एरकवाकेहि कतं एरकदुस्सं। तथा कदलिदुस्सं। सुखुमेहि वेळुविलीवेहि कतं वेळुदुस्सं। आदि-सद्देन वक्कलादीनं सङ्गहो। अकप्पियचीवरानि तिथियद्धजभावतो।
अन्नञ्च मातिकानं वसेनाति “सीमाय देति, कतिकाय देती''तिआदिना (महाव० ३७९) आगतानं अट्ठन्नं चीवरुप्पत्तिमातिकानं वसेन । चीवरानं पटिलाभक्खेत्तदस्सनत्थव्हि भगवता “अट्ठिमा, भिक्खवे, मातिका'"तिआदिना मातिका ठपिता । मातिकाति हि मातरो चीवरुप्पत्तिजनिकाति । सोसानिकन्ति सुसाने पतितकं । पापणिकन्ति आपणद्वारे पतितकं । रथियन्ति पुत्थिकेहि वातपानन्तरेन रथिकाय छड्डितचोळकं । सङ्कारकूटकन्ति सङ्कारहाने छड्डितचोळकं । सिनानन्ति न्हानचोळं, यं भूतवेज्जेहि सीसं न्हापेत्वा "काळकण्णीचोळक"न्ति छड्डेत्वा गच्छन्ति । तित्थन्ति तित्थचोळकं सिनानतित्थे छड्डितपिलोतिका। अग्गिदडन्ति अग्गिना दड्डप्पदेसं । तहि मनुस्सा छड्डेन्ति । गोखायितकादीनि पाकटानेव । तानिपि हि मनुस्सा छड्डेन्ति ।
धनं उस्सापेत्वाति नावं आरोहन्तेहि वा युद्धं पविसन्तेहि वा धजयदि उस्सापेत्वा तत्थ बद्धं पारुतचीवरं, तेहि छड्डितन्ति अधिप्पायो ।
सादकभिक्खुनाति गहपतिचीवरस्स सादियनभिक्खुना। एकमासमत्तन्ति चीवरमाससञ्जितं एकमासमत्तं । वितक्केतुं वट्टति, न ततो परन्ति अधिप्पायो । सब्बस्सापि हि तण्हानिग्गहत्थाय सासने पटिपत्तीति। पंसुकूलिको अदमासेनेव करोतीति अपरपटिबद्धत्ता पटिलाभस्स । इतरस्स पन परपटिबद्धत्ता मासमत्तं अनुज्ञातं । इति मासद्ध...पे०... वितक्कसन्तोसो वितक्कनस्स परिमितकालिकत्ता।
महाथेरं तत्थ अत्तनो सहायं इच्छन्तोपि गरुगारवेन गामद्वारं "भन्ते गमिस्सामि" इच्चेवमाह । महाथेरोपिस्स अज्झासयं ञत्वा “अहं पावुसो गमिस्सामी"ति आह । “इमस्स भिक्खुनो वितक्कस्स अवसरो मा होतू''ति पहं पुच्छमानो गामं पाविसि । उच्चारपलिबुद्धोति उच्चारेन पीळितो। तदा भगवतो दुक्करकिरियानुस्सरणमुखेन तथागते
200
Jain Education International
For Private & Personal Use Only
www.jainelibrary.org
| SR No. | 009984 |
| Book Title | Pathikvagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 12 MB |