Page Text
________________
( १०.३०९ - ३०९ )
अरियवंसचतुक्कवण्णना
खो”तिआदिमाह । ननु च यथालद्धादयोपि धूलादयो एव ? सच्चमेतं, तथापि अथ विसेसो । यो हि यथालद्धेसु थूलादीसु सन्तोसो, सो यथालाभसन्तोसो एव, न इतरो । न हि सो पच्चयमत्तसन्निस्सयो इच्छितो, अथ खो अत्तनो कायबलसारुप्पभावसन्निस्सयोपि । थूलदुकादयो च तयोपि चीवरे लब्भन्ति । मज्झिमो चतुपच्चयसाधारणो, पच्छिमो पन चीवरे, सेनासने च लब्भतीति दट्ठब्बं । “ इमे तयो सन्तोसे "ति इदं सब्बसङ्गाहिकवसेन वृत्तं । ये हि परतो गिलानपच्चयं पिण्डपाते एव पक्खिपित्वा चीवरे वीसति, पिण्डपाते सेनासने पन्नरसाति समपण्णाससन्तोसा वुच्चन्ति ते सब्बेपि यथारहं इमेसु एव तीसु सन्तोसेसु सङ्ग्रहं समोसरणं गच्छन्तीति ।
पन्नरस,
चीवरं जानितब्बन्ति “इदं नाम चीवरं कप्पियन्ति जातितो चीवरं जानितब्बं । चीवरक्खेत्तन्ति चीवरस्स उप्पत्तिक्खेत्तं । पंसुकूलन्ति पंसुकूलचीवरं, पंसुकूललक्खणप्पत्तं चीवरं जानितब्बन्ति अत्थो । चीवरसन्तोसोति चीवरे लब्भमानो सब्बो सन्तोसो जानितब्बो । चीवरपटिसंयुत्तानि धुतङ्गानि जानितब्बानि यानि तोसन्तो चीवरसन्तोसेन सम्मदेव सन्तुट्ठो होतीति। खोमकप्पासिककोसेय्यकम्बलसाणभङ्गानि खोमादीनि । तत्थ खोमं नाम खोमसुत्ते हि वायितं खोमपटचीवरं, तथा सेसानिपि । साणन्ति साणवाकसुत्तेहि कतचीवरं । भङ्गन्ति पन खोमसुत्तादीनि सब्बानि एकच्चानि वोमिस्सेत्वा कतचीवरं । "भङ्गम्पि वाकमयमेवा' ति केचि । छाति गणनपरिच्छेदो । यदि एवं इतो अञ्ञा वत्थजाति नत्थीति ? नो नत्थि, सा पन एतेसं अनुलोमाति दस्सेतुं “दुकूलादीनी "तिआदि वृत्तं । आदि- सद्देन पट्टणं, सोमारपट्टे, चीनपट्टे, इद्धिजं, देवदिन्नन्ति एतेसं सङ्गहो । तत्थ दुकूलं साणस्स अनुलोमं वाकमयत्ता । पट्टुण्णदेसे सञ्जातवत्थं पट्टुण्णं । “पट्टुण्णं कोसेय्यविसेसो 'ति हि अमरकोसे वृत्तं । सोमारदेसे, चीनदेसे च जातवत्थानि सोमारचीनपट्टानि । पट्टुण्णा कोसेय्यस्स अनुलोमानि पाणकेहि कतसुत्तमयत्ता । इद्धिजं एहिभिक्खूनं पुञ्ञिद्धिया निब्बत्तं चीवरं, तं खोमादीनं अञ्ञतरं होतीति तेसमेव अनुलोमञ्च । देवताहि दिनं चीवरं देवदिन्नं, तं कप्परुक्खे निब्बत्तं जालिनिया देवकञ्ञाय अनुरुद्धत्थेरस्स दिन्नवत्थसदिसं, तम्पि खोमादीनंयेव अनुलोमं होति तेसु अञ्ञतरभावतो । इमानीति अन्तोगधावधारणवचनं, इमानि एवाति अत्थो । बुद्धादीनं परिभोगयोग्यताय कप्पियचीवरानि ।
Jain Education International
१९९
इदानि अवधारणेन निवत्तितानि एकदेसेन दस्सेतुं "कुसचीर "न्तिआदि वृत्तं । तथ कुसतिणेहि, अञ्ञेहि वा तादिसेहि तिणेहि कतचीवरं कुसचीरं । पोतकीवाकादीहि वाकेहि कतचीवरं वाकचीरं । चतुक्कोणेहि, तिकोणेहि वा फलकेहि कतचीवरं फलकचीरं ।
199
For Private & Personal Use Only
www.jainelibrary.org
| SR No. | 009984 |
| Book Title | Pathikvagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 12 MB |