Page Text
________________
(९.२८१-२८१)
पठमभाणवारवण्णना
१३९
योजना । महानेरूति महन्तो, महनीयो च नेरुसङ्घातो पब्बतो। तेनाह "महासिनेरु पब्बतराजा"ति | रजतमयं। तथा हि तस्स पभाय अज्झोत्थतं तस्सं दिसायं समुद्दोदकं खीरं विय पञ्जायति । मणिमयन्ति इन्दनीलमयं । तथा हि दक्खिणदिसाय समुद्दोदकं येभुय्येन नीलवण्णं हुत्वा पञ्जायति, तथा आकासं । मनुस्सा जायन्ति । कथं जायन्ति ? अममा अपरिग्गहाति योजना। ममत्तविरहिताति “इदं मम इदं ममा''ति ममङ्कारविरहिताति अधिप्पायो । यदि तेसं “अयं मय्हं भरिया'ति परिग्गहो नत्थि, “अयं मे माता, अयं भगिनी''ति एवरूपा इध विय मरियादापि न सिया मातुआदिभावस्स अजाननतोति चोदनं सन्धायाह "मातरं वा"तिआदि । छन्दरागो नुप्पज्जतीति एत्थ “धम्मतासिद्धस्स सीलस्स आनुभावेन पुत्ते दिट्ठमत्ते एव मातु थनतो थनं पग्घरति, तेन सञाणेन नेसं मातरि पुत्तस्स मातुसा , मातु च पुत्ते पुत्तसञा पच्चुपट्टिता"ति केचि |
नङ्गलाति लिङ्गविपल्लासेन वुत्तन्ति आह “नङ्गलानिपी"ति । अकडेति अकसिते अकतकसिकम्मे ।
तण्डुलाव तस्स फलन्ति सत्तानं पुञानुभावहेतुका थुसादिअभावेन तण्डुला एव तस्स सालिस्स फलं । तुण्डिकिरन्ति पचनभाजनस्स नामन्ति वुत्तं "उक्खलिय''न्ति । आकिरित्वाति तण्डुलानि पक्खिपित्वा । निमगारेनाति धूमङ्गाररहितेन केवलेन अग्गिना। जोतिकपासाणतो अग्गिम्हि उट्ठहन्ते कुतो धूमङ्गारानं सम्भवो। भोजनन्ति ओदनमेवाधिप्पेतन्ति "भोजनमेवा"ति अवधारणं कत्वा तेन निवत्तेतब्बं दस्सेन्तो “अञो सूपो वा ब्यञ्जनं वा न होती"ति आह । यदि एवं रसविसेसयुत्तो तेसं आहारो न होतीति ? नोति दस्सेन्तो "भुञ्जन्तानं...पे०... रसो होती"ति आह । मच्छरियचित्तं नाम न होतीति धम्मतासिद्धस्स सीलस्स आनुभावेन । तथा हि ते कत्थचिपि अममा परिग्गहाव हुत्वा वसन्ति ।
अपिच तत्थ उत्तरकुरुकानं पुञानुभावसिद्धो अयम्पि विसेसो वेदितब्बो - तत्थ किर तेसु तेसु पदेसेसु घनचितपत्तसञ्छन्नसाखापसाखा कूटागारूपमा मनोरमा रुक्खा तेसं मनुस्सानं निवेसनकिच्चं साधेन्ति, यत्थ सुखं निवसन्ति, अञ्जपि तत्थ रुक्खा सुजाता सब्बदापि पुप्फितग्गा तिठ्ठन्ति, जलासयापि विकसितकमलकुवलयपुण्डरीकसोगन्धिकादिपुप्फसञ्छन्ना सब्बकालं परमसुगन्धं समन्ततो पवायन्ता तिठ्ठन्ति । सरीरम्पि तेसं अतिदीघतादिदोसरहितं आरोहपरिणाहसम्पन्नं जराय अनभिभूतत्ता वलिपलितादिदोसरहितं यावतायुकं अपरिक्खीणजवबलपरक्कमसोभमेव हुत्वा तिठ्ठति । अनुट्ठानफलूपजीविताय न
139
Jain Education International
For Private & Personal Use Only
www.jainelibrary.org
| SR No. | 009984 |
| Book Title | Pathikvagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 12 MB |