________________
(८.२७४-२७४)
छद्दिसापटिच्छादनकण्डवण्णना
दस्सेतुं “अपिचा"तिआदि वुत्तं । "येन येन वा पना''तिआदिना वचनीयत्थतं वदञ्जू-सद्दस्स दस्सेति । नेताति यथाधिप्पेतमत्थं पच्चक्खतो पापेता । तेनाह "तं तमत्थं दस्सेन्तो पज्ञाय नेता"ति । नेति तं तमत्थन्ति आनेत्वा सम्बन्धो । पुनप्पुनं नेतीति अनु अनु नेति, तं तमत्थन्ति आनेत्वा योजना ।
तस्मिं तस्मिन्ति तस्मिं तस्मिं दानादीहि सङ्गहेहि सङ्गहेतब्बे पुग्गले। आणियाति अक्खसीसगताय आणिया। यायतोति गच्छतो। पुत्तकारणाति पुत्तनिमित्तं । पुत्तहेतुकहि पुत्तेन कत्तब्ध मानं वा पूजं वा ।
उपयोगवचनेति उपयोगत्थे । वुच्चतीति वचनं, अत्थो। उपयोगवचने वा वत्तब्बे । पच्चत्तन्ति पच्चत्तवचनं । सम्मा पेक्खन्तीति सम्मदेव कातब्बे पेक्खन्ति । पसंसनीयाति पसंसितब्बा | भवन्ति एते सङ्गहेतब्बे तत्थ पुग्गले यथारहं पवत्तेन्ताति अधिप्पायो ।
२७४. “इति भगवा"तिआदि निगमनं । या दिसाति या मातापितुआदिलक्खणा पुरथिमादिदिसा। नमस्साति नमस्सेय्यासीति अत्थो “यथा कथं पना"तिआदिकाय गहपतिपुत्तस्स पुच्छाय वसेन देसनाय आरद्धत्ता "पुच्छाय ठत्वा"ति वुत्तं । अकथितं नत्थि गिहीहि कत्तब्बकम्मे अप्पमादपटिपत्तिया अनवसेसतो कथितत्ता । मातापितुआदीसु हि तेहि च पटिपज्जितब्बपटिपत्तिया निरवसेसतो कथनेनेव राजादीसुपि पटिपज्जितब्बविधि अत्थतो कथितो एव होतीति । गिहिनो विनीयन्ति, विनयं उपेन्ति एतेनाति गिहिविनयो। यथानुसिट्ठन्ति यथा इध सत्थारा अनुसिटुं गिहिचारितं, तथा तेन पकारेन तं अविराधेत्वा । पटिपज्जमानस्स वुद्धियेव पाटिकङ्घाति दिठ्ठधम्मिकसम्परायिकपरमत्थेहि वुद्धियेव इच्छितब्बा अवस्सम्भाविनीति ।
सिङ्गालसुत्तवण्णनाय लीनत्थप्पकासना।
131
Jain Education International
For Private & Personal Use Only
www.jainelibrary.org
