Page Text
________________
सुरामेरयस्स छआदीनवादिवण्णना
लोकियोकुत्तराय पञ्ञाय दुब्बलभावापादाने असमत्थता दस्सिताति दट्ठब्बं । पज्जति एतेन फलन्ति पदं, कारणं ।
(८.२४९-२५१)
२४९. अत्तापिस्स अकालचारिस्स अगुत्तो सरसतो अरक्खितो उपक्कमतोपि परिवज्जनीयानं अपरिवज्जनतो । तेनाह “अवेलाय चरन्तो ही "तिआदि । कण्टकादीनिपीति पि-सन सोभादिके सङ्गण्हाति । वेरिनोपीति पि-सद्देन चोरादिका सङ्गय्हन्ति । पुत्तदाराति एत्थ पुत्तग्गहणेन पुत्तीपि गहिताति आह “ पुत्तधीतरोति । बहि पत्थनन्ति कामपत्थनावसेन अन्तोगेहस्सिततो निबद्धवत्थुतो बहिद्धा पत्थनं कत्वा । अञ्ञेहि कतपापकम्मेसूति परेहि कतासु पापकिरियासु | सङ्कितब्बो होति अकाले तत्थ तत्थ चरणतो । रुहति यस्मिं पदेसे चोरिका पवत्ता, तत्थ परेहि दिट्ठत्ता । वत्तुं न सक्काति “ एत्तकं दुक्खं, एत्तकं दोमनस्स"न्ति परिच्छिन्दित्वा वत्तुं न सक्का । तं सब्बम्पि विकालचारिम्हि पुग्गले आहरितब्बं तस्स उपरि पक्खिपितब्बं होति । कथं ? अञ्ञस्मिं पुग्गले तथारूपे आसङ्कितब्बे असति । इतीति एवं । सोति विकालचारी । पुरक्खतो पुरतो अत्तनो उपरि आसङ्कन्ते कत्वा चरति ।
२५०. नटनाटकादिनच्चन्ति नटेहि नाटकेहि नच्चितब्बनाटकादिनच्चविधि । आदि-सद्देन अवसिद्धं सब्बं सङ्गण्हाति । “तत्थ गन्तब्बं होती 'ति वत्वा तत्थस्स गमनेन यथा अनुप्पन्नानं भोगानं अनुप्पादो, उप्पन्नानञ्च विनासो होति, तं दस्सेतुं " तस्सा" तिआदि वृत्तं । गीतन्ति सरगतं, पकरणगतं, ताळगतं, अपधानगतन्ति गन्धब्बसत्थविहितं अञ्ञम्पि सब्बं गीतं वेदितब्बं । वादितन्ति वीणावेणुमुदिङ्गादिवादनं । अक्खानन्ति भारतयुद्धसीताहरणादिअक्खानं । पाणिस्सरन्ति कंसताळं, “ पाणिताळ "न्तिपि वदन्ति । कुम्भथूनन्ति चतुरस्स अम्बणकताळं । “कुटभेरिसद्दो 'ति केचि । “ एसेव नयो "ति इमिना “कस्मिं ठाने "तिआदिना नच्चे वुत्तमत्थं गीतादीसु अतिदिसति ।
११९
२५१. जयन्ति जूतं जिनन्तो । वेरन्ति जितेन कीळकपुरिसेन जयनिमित्तं अत्तनो उपरि वेरं विरोधं पसवति उप्पादेति । तहिस्स वेरपसवनं दस्सेतुं "जितं मया "तिआदि वुत्तं । जिनोति जूतपराजयापन्नाय धनजानिया जिनो । तेनाह "अञ्ञेन जितो समानो" तिआदि । वित्तं अनुसोचतीति तं जिनं वित्तं उद्दिस्स अनुत्थुनति । विनिच्छयट्ठानेति यस्मिं किस्मिञ्चि अट्टविनिच्छयट्ठाने । सक्खिपुट्ठस्साति सक्खिभावेन पुट्ठस्स । अक्खसोण्डोति अक्खधुत्तो । जूतकरोति जूतपमादट्ठानानुयुत्तो । त्वम्प नाम कुलपुत्तोति कुलपुत्तो नाम त्वं,
Jain Education International
119
For Private & Personal Use Only
www.jainelibrary.org
| SR No. | 009984 |
| Book Title | Pathikvagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 338 |
| Language | Sanskrit |
| Classification | Interfaith & Buddhism |
| File Size | 12 MB |