________________
१०६
दीघनिकाये पाथिकवग्गटीका
सुवण्णवण्णलक्खणवण्णना
२१८. पटिसङ्घानबलेन कोधविनयेन अक्कोधनो, न भावनाबलेनाति दस्सेतुं “न अनागामिमग्गेना'' तिआदि वृत्तं । एवं अक्कोधवसिकत्ताति एवं मघमाणवो विय न कोधवसं गतत्ता । नाभिसज्जीति कुज्झनवसेनेव न अभिसज्जि । यहि कोधस्स उप्पत्तिट्ठानभूते आरम्मणे उपनाहस्स पच्चयभूतं कुज्झनवसेन अभिसज्जनं तं इधाधिप्पेतं, न लुब्भनवसेन । तेनाह “कुटिलकण्टको विया "तिआदि । सो हि यत्थ लग्गति, तं खोभेन्तो एव लग्गति । तत्थ तत्थाति तस्मिं तस्मिं मम्मट्ठाने । मम्मन्ति फुट्ठमत्तेपि रुज्जनट्ठानं । पुब्बुप्पत्तिकोति पठमुप्पन्नो । ततो बलवतरो ब्यापादो लद्वासेवनताय चित्तस्स ब्यापज्जनतो । ततो बलवतरा पतित्थियनाति सातिसयं लद्धासेवनताय ततो ब्यापादावत्थायपि बलवतरा पतित्थियना पच्चत्थिकभावेन थामप्पत्तितो ।
सुखुमत्थरणादीति आदि-सद्देन पणीतभोजनीयादीनम्पि सङ्गहो दट्ठब्बो भोजनदानस्सपि वण्णसम्पदानिमित्तभावतो । तेनाह भगवा "भोजनं भिक्खवे ददमानो दायको पटिग्गाहकानं... पे०... आयुं देति, वण्णं देती 'ति (अ० नि० २.५.३७) तथा च वक्खति "आमिसदानेन वा "ति ।
( ७.२१८-२२०)
२१९. अभिविस्सज्जेसीति अदासि । देवोति मेघो, पज्जुन्नो एव वा । वरत उत्तमतरो । पब्बज्जाय विसदिसावत्थादि भावतो न पब्बज्जाति अपब्बज्जा, गिहिभावो । अच्छादेन्ति कोपीनं पटिच्छादेन्ति एतेहीति अच्छादनानि निवासनानि, तेसं अच्छादनानञ्चेव सेस वत्थानञ्च कोजवादि उत्तमपावुरणानञ्च । विनासोति कतस्स कम्मस्स अविपच्चित्वा विनासो ।
Jain Education International
कोसोहितवत्थगुव्हलक्खणवण्णना
२२०. समानेताति सम्मदेव आनेता समागमेता । रज्जे पतिट्ठितेन सक्का कातुं बहुभतिकस्सेव इज्झनतो । कत्ता नाम नत्थीति वज्जं पटिच्छादेन्तीति आनेत्वा सम्बन्धो, कति वज्जटिच्छादनकम्मन्ति वा । ननु वज्जपटिच्छादनकम्मं नाम सावज्जन्ति ? सच्चं सावज्जं संकिलिट्ठचित्तेन पटिच्छादेन्तस्स, इदं पन असंकिलट्ठचित्तेन
परस्स
106
For Private & Personal Use Only
www.jainelibrary.org
