________________
(७.३३२-३३२)
निदानवण्णना
२१७
आवासनट्ठानभूता, देवता पन ओरम्भागियानं, इतरेसञ्च संयोजनानं समुच्छिन्दनेन सुद्धो आवासो एतेसन्ति सुद्धावासा ।
३३२. पुरथिमचक्कवाळमुखवट्टियं ओतरि अञत्थ ओकासं अलभमानो। एवं सेसापि। बुद्धानं अभिमुखमग्गो बुद्धवीथि। याव चक्कवाळा ओत्थरितुं ओवरितुं न सक्का। पहटबुद्धवीथियावाति बुद्धानं सन्तिकं उपसङ्कमन्तेहि तेहि देवब्रह्मेहि वळजितवीथियाव | समिति सङ्गति सन्निपातो समयो, महन्तो समयो महासमयोति आह "महासमूहो"ति । पवद्धं वनं पवनन्ति आह "वनसण्डो"ति । देवघटाति देवसमूहा ।
समादहंसूति समादहितं लोकुत्तरसमाधिना सुट्ठ अप्पितं अकंसु, यथासमाहितं पन समाधिना योजितं नाम होतीति वुत्तं “समाधिना योजेसु"न्ति । सब्बेसं गोमुत्तववादीनं दूरसमूहनितत्ता सब्बे...पे०... अकरिसु। नयति अस्से एतेहीति नेत्तानि, योत्तानि । अवीथिपटिपन्नानं अस्सानं वीथिपटिपादनं रस्मिग्गहणेन पहोतीति “सब्बयोत्तानि गहेत्वा अचोदेन्तो''ति वत्वा तं पन अचोदनं अवारणं एवाति आह “अचोदेन्तो अवारेन्तो"ति ।
यथा खीलं भित्तियं वा भूमियं वा आकोटितं दुन्नीहरणं, यथा च पलिघं नगरप्पवेसनिवारणं, यथा च इन्दखीलं गम्भीरनेमि सुनिखातं दुन्नीहरणं, एवं रागादयो सत्तसन्तानतो दुन्नीहरणा, निब्बाननगरप्पवेसनिवारणा चाति ते “खीलं, पलिघं, इन्दखील"न्ति च वुत्ता। तण्हाएजाय अभावेन अनेजा परमसन्तुट्ठभावेन चातुद्दिसत्ता अप्पटिहतचारिकं चरन्ति।
गतासेति गता एव, न पन गमिस्सन्ति परिनिद्वितसरणगमनत्ताति । लोकुत्तरसरणगमनं अधिप्पेतन्ति आह "निब्बेमतिकसरणगमनेन गता"ति । ते हि नियमेन अपायभूमिं न गमिस्सन्ति, देवकायञ्च परिपूरेस्सन्ति। ये पन लोकियेन सरणगमनेन बुद्धं सरणं गतासे, न ते गमिस्सन्ति अपायभूमि, सति च पच्चयन्तरसमवाये पहाय मानुसं देहं, देवकार्य परिपूरेस्सन्तीति अयमेत्थ अत्थो ।
217
Jain Education International
For Private & Personal Use Only
www.jainelibrary.org
