________________
(६.३१८-३१९)
ब्रह्मनासाकच्छावण्णना
२०९
सन्थम्भनं अगारं, झानसालन्ति अत्थो। गहितावाति भावनानुयोगेन महासत्तेन अत्तनो चित्तसन्ताने उप्पादनवसेन गहिता एव । नत्थि झानेनेव विक्खम्भितत्ता। विसेसतो हिस्स करुणाय भावितत्ता अनभिरति उक्कण्ठना नत्थि, मेत्ताय भावितत्ता भयपरितस्सना नथि। उक्कण्ठनाति पन ब्रह्मदस्सने उस्सुक्कं, परितस्सनाति तदभिपत्थनाति आह "ब्रह्मनो पना"तिआदि।
ब्रह्मनासाकच्छावण्णना
३१८. चित्तुत्रासोति चित्तस्स उत्रासनमत्तं । कथन्ति सत्तनिकायनिवासट्ठाननामगोत्तादीनं वसेन केन पकारेन । तेनाह "कि"न्तिआदि ।
सोति ये ते पनकनसनन्तबन्धसतनसनकुमारकालनामका लोके पाकटा पञाता ब्रह्मानो, तेसु सनड्डुमारो नामाहन्ति दस्सेति ।
अग्यन्ति गरुडानियानं दातब्बंआहारं । मधुसाकन्ति मधुराहारं, यं किञ्चि अतिथिनो दातब्बं आहारं उपचारवसेन एवं वदति । तेनाह "मधुसाकं पना"तिआदि । पुच्छामाति निमन्तनवसेन पुच्छाम ।
___३१९. महासत्तो चत्तारो ब्रह्मविहारे भावेत्वा ठितोपि तेसु “ब्रह्मसहब्यताय मग्गो'"ति अनिब्बेमतिकताय "कवी"ति अवोच। केचि पन “तपोकम्मेन परिक्खीणसरीरताय, ब्रह्मसमागमेन भयादिसमुप्पत्तिया च पटिलद्धमत्तेहि ब्रह्मविहारेहि परिहीनो अहोसि, तस्मा अविक्खम्भितविचिकिच्छताय ‘कङ्घी'ति अवोचा''ति वदन्ति । परस्स वेदिया विदिता परवेदिया, ते पन तस्स पाकटा विभूताति आह "परस्स पाकटेसु परवेदियेसू"ति । तत्थ कारणमाह “परेन सयं अभिसङ्घतत्ता'ति । ममाति कम्मं ममंकारो, ममत्तन्ति आह "इदं मम...पे०... तह"न्ति । “मम''न्ति करोति एतेनाति हि ममंकारो, तथापवत्ता तण्हा । मनुजेसूति निद्धारणे भुम्मं, न विसयेति आह "मनुजेसु यो कोची"ति | "एकोदिभूतो"ति पदस्स भावत्थं ताव दस्सेन्तो “एकीभूतो''ति वत्वा पुन तं विवरन्तो "एको तिद्वन्तो एको निसीदन्तो"ति आह । तादिसोति एको हुत्वा पवत्तनको । भूतोति जातो। झाने अधिमुत्ति नाम तस्मिं निब्बत्तिते, अनिब्बत्तिते कुतो अधिमुत्तीति आह "झानं निब्बत्तेत्वाति अत्थो"ति। विस्सगन्धो नाम कोधादिकिलेसपरिभावनाति तेसं
209
Jain Education International
For Private & Personal Use Only
www.jainelibrary.org
