________________
६. महागोविन्दसुत्तवण्णना
२९३. पञ्चकुण्डलिकोति विस्सट्ठपञ्चवेणिको। चतुमग्गट्ठानेसूति चतुन्नं मग्गानं विनिविज्झित्वा गतहानेसु। तत्थ हि कता सालादयो चतूहि दिसाहि आगतमनुस्सानं उपभोगक्खमा होन्ति । "एवरूपानी"ति इमिना रुक्खमूलसोधनादीनि चेव यथासत्ति अन्नदानादीनि च पुञानि सङ्गण्हाति । "सुवण्णक्खन्धसदिसो अत्तभावो इट्ठो कन्तो मनापो अहोसी"ति पाठो। सकटसहस्समत्तन्ति वाहसहस्समत्तं, वाहो पन वीसति खारी, खारी सोळसदोणमत्ता, दोणं सोळस नाळियो वेदितब्बा । कुम्भं दसम्बणानि | "सहस्सनाळियोति केचि । रत्तसुवण्णकण्णिकन्ति रत्तसुवण्णमयं वटंसकं ।
यस्मा मज्झिमयामे एव देवता सत्थारं उपसङ्कमितुं अवसरं लभन्ति, तस्मा "एककोट्ठासं अतीताया"ति वुत्तं । अतिक्कन्तवण्णोति अतिविय कमनीयरूपो, केवलकप्पन्ति वा मनं ऊनं अवसेसं, ईसकं असमत्तन्ति अत्थो भगवतो हि समीपट्ठानं मुञ्चित्वा सब्बो गिज्झकूटविहारो तेन ओभासितो। तेनाह "चन्दिमा विया"तिआदि ।
देवसभावण्णना
२९४. रतनमत्तकण्णिकरुक्खनिस्सन्देनाति रतनप्पमाणरुक्खमयकूटदानपुञ्जनिस्सन्देन, तस्स वा पुञस्स निस्सन्दफलभावेन । निब्बत्तसभायन्ति समुट्ठितउपट्ठानसालायं । मणिमयाति पदुमरागादिमणिमया। आणियोति थम्भतुलासङ्घाटकादीसु वाळरूपादिसङ्घाटनकआणियो ।
गन्धब्बराजाति गन्धब्बकायिकानं देवतानं राजा। ये तावतिंसानं आसन्नवासिनो चातुमहाराजिका देवा, ते पुरतो करोन्तो "दीसु देवलोकेसु देवता पुरतो कत्वा निसिनो"ति वुत्तो। सेसेसुपि तीसु ठानेसु एसेव नयो ।
200
Jain Education International
For Private & Personal Use Only
www.jainelibrary.org
