________________
दीघनिकाये महावग्गटीका
(३.२२०-२२७)
१६८
कस्मा ? यस्मा भगवा तदापि देवसिकं वळञ्जनसमापत्तियो सब्बापि अपरिहापेत्वा समापज्जि एवाति दस्सेन्तो “निब्बानपुरं पविसन्तो"तिआदिमाह ।।
इमानि वेपि समनन्तरानेव पच्चवेक्खणायपि येभुय्येनानन्तरियकताय झानपक्खिकभावतो, यस्मा भवङ्गचित्तं सब्बपच्छिम, ततो भवतो चवनतो “चुती"ति वुच्चति, तस्मा न केवलं अयमेव भगवा, अथ खो सब्बेपि सत्ता भवङ्गचित्तेनेव चवन्तीति दस्सेतुं “ये हि केची"तिआदि वुत्तं ।
२२०. पटिभागपुग्गलविरहितोति सीलादिगुणेहि असदिसताय सदिसपुग्गलरहितो ।
२२१. सङ्खारा वूपसमन्ति एत्थाति वूपसमोति एवंसङ्खातं ज्ञातं कथितं निब्बानं ।
२२२. यन्ति पच्चत्ते उपयोगवचनन्ति आह “यो कालं अकरी"ति ।
सुविकसितेनेवाति पीतिसोमनस्सयोगतो सुट्ठ विकसितेन मुदितेन । वेदनं अधिवासेसि अभावसमुदयो कतो सुट्ठ परिञातत्ता । अनावरणविमोक्खो सब्बसो निब्बुतभावतो ।
२२३. आकरोन्ति अत्तनो फलानि समानाकारे करोन्तीति आकारा, कारणानि | सब्बाकारवरूपेतेति सब्बेहि आकारवरेहि उत्तमकारणेहि सीलादिगुणेहि समन्नागतेति अत्थो ।
२२५. कथंभूताति कीदिसाभूता ।
चुल्लकद्धानन्ति परित्तं कालं द्वत्तिनाडिकामत्तं वेलं ।
बुद्धसरीरपूजावण्णना
२२७. कंसताळादि ताळं अवचरति एत्थाति "ताळावचरन्ति वुच्चति आततादितूरियभण्डं । तेनाह "सब्बं तूरियभण्ड"न्ति ।
168
Jain Education International
For Private & Personal Use Only
www.jainelibrary.org
