________________
४. अग्गसुत्तवण्णना
वासेट्ठभारद्वाजवण्णना १११. एवं मे सुतन्ति अग्गञसुत्तं । तत्रायमनुत्तानपदवण्णना - पुब्बारामे मिगारमातुपासादेति एत्थ अयं अनुपुब्बिकथा । अतीते सतसहस्सकप्पमत्थके एका उपासिका पदुमुत्तरं भगवन्तं निमन्तेत्वा बुद्धप्पमुखस्स भिक्खुसतसहस्सस्स दानं दत्वा भगवतो पादमूले निपज्जित्वा “अनागते तुम्हादिसस्स बुद्धस्स अग्गुपट्टायिका होमी"ति पत्थनं अकासि । सा कप्पसतसहस्सं देवेसु चेव मनुस्सेसु च संसरित्वा अम्हाकं भगवतो काले भद्दियनगरे मेण्डकसेट्ठिपुत्तस्स धनञ्चयसेटिनो गेहे सुमनदेविया कुच्छिम्हि पटिसन्धिं गण्हि । जातकाले तस्सा विसाखाति नामं अकंसु । सा यदा भगवा भद्दियनगरं आगमासि, तदा पञ्चदासिसतेहि सद्धिं भगवतो पच्चुग्गमनं कत्वा पठमदस्सनम्हियेव सोतापन्ना अहोसि ।
अपरभागे सावत्थियं मिगारसेट्ठिपुत्तस्स पुण्णवड्डनकुमारस्स गेहं गता। तत्थ नं मिगारसेट्ठि मातुट्ठाने ठपेसि । तस्मा मिगारमाताति वुच्चति । पतिकुलं गच्छन्तिया चस्सा पिता महालतापिळन्धनं नाम कारापेसि । तस्मिं पिळन्धने चतस्सो वजिरनाळियो उपयोगं अगमंसु, मुत्तानं एकादस नालियो, पवाळस्स द्वावीसति नाळियो, मणीनं तेत्तिंस नाळियो । इति एतेहि च अझेहि च सत्तहि रतनेहि निट्ठानं अगमासि । तं सीसे पटिमुक्कं याव पादपिट्ठिया भस्सति । पञ्चन्नं हत्थीनं बलं धारयमानाव नं इत्थी धारेतं सक्कोति | सा अपरभागे दसबलस्स अग्गुपट्टायिका हुत्वा तं पसाधनं विस्सज्जेत्वा नवहि कोटीहि भगवतो विहारं कारयमाना करीसमत्ते भूमिभागे पासादं कारेसि। तस्स उपरिभूमियं पञ्च गब्भसतानि होन्ति, हेट्ठिमभूमियं पञ्चाति गब्भसहस्सप्पटिमण्डितो अहोसि । सा “सुद्धपासादोव न सोभती"ति तं परिवारेत्वा पञ्च दुवड्डगेहसतानि, पञ्च
39
Jain Education International
For Private & Personal Use Only
www.jainelibrary.org
