Page Text
________________
२२
दीघनिकाये पाथिकवग्गट्ठकथा
(२.७०-७४)
निग्रोधातिआदिमाह। पपटिकप्पत्ता होतीति सारवतो रुक्खस्स सारं फेग्गुं तचञ्च अतिक्कम्म बहिपपटिकसदिसा होतीति दस्सेति ।
परिसुद्धतचप्पत्तादिकथावण्णना ७०. अग्गं पापेतूति देसनावसेन अग्गं पापेत्वा देसेतु, सारं पापेत्वा देसेतुति दसबलं याचति । चातुयामसंवरसंवुतोति चतुबिधेन संवरेन पिहितो। न पाणं अतिपातेतीति पाणं न हनति । न भावितमासीसतीति भावितं नाम तेसं सजाय पञ्च कामगुणा, ते न आसीसति न सेवतीति अत्थो ।
अदुं चस्स होतीति एतञ्चस्स इदानि वुच्चमानं “सो अभिहरती"तिआदिलक्खणं । तपस्सितायाति तपस्सिभावेन होति । तत्थ सो अभिहरतीति सो तं सीलं अभिहरति, उपरूपरि वड्डेति। सीलं मे परिपुण्णं, तपो आरद्धो, अलमेत्तावताति न वीरियं विस्सज्जेति। नो हीनायावत्ततीति हीनाय गिहिभावत्थाय न आवत्तति । सीलतो उत्तरि विसेसाधिगमत्थाय वीरियं करोतियेव, एवं करोन्तो सो विवित्तं सेनासनं भजति । "अरञ"न्तिआदीनि सामञफले (दी० नि० अट्ठ० १.२१६) वित्थारितानेव । "मेत्तासहगतेना''तिआदीनि विसुद्धिमग्गे वण्णितानि । तचप्पत्ताति पपटिकतो अब्भन्तरं तचं पत्ता । फेग्गुप्पत्ताति तचतो अब्भन्तरं फेगुं पत्ता, फेग्गुसदिसा होतीति अत्थो ।
७४. “एत्तावता, खो निग्रोध, तपोजिगुच्छा अग्गप्पत्ता च होति सारप्पत्ता चाति इदं भगवा तित्थियानं वसेनाह । तित्थियानहि लाभसक्कारो रुक्खस्स साखापलाससदिसो | पञ्चसीलमत्तकं पपटिकसदिसं। अट्ठसमापत्तिमत्तं तचसदिसं। पुब्बेनिवाससाणावसाना अभिज्ञा फेग्गुसदिसा। दिब्बचक्खं पनेते अरहत्तन्ति गहेत्वा विचरन्ति । तेन नेसं तं रुक्खस्स सारसदिसं| सासने पन लाभसक्कारो साखापलाससदिसो। सीलसम्पदा पपटिकसदिसा। झानसमापत्तियो तचसदिसा। लोकियाभिचा फेग्गुसदिसा। मग्गफलं सारो । इति भगवता अत्तनो सासनं ओनतविनतफलभारभरितरुक्खूपमाय उपमितं । सो देसनाकुसलताय ततो तचसारसम्पत्तितो मम सासनं उत्तरितरञ्चेव पणीततरञ्च, तं तुवं कदा जानिस्ससीति अत्तनोदेसनाय विसेसभावं दस्सेतुं “इति खो निग्रोधा"ति देसनं आरभि । ते परिब्बाजकाति ते तस्स परिवारा तिंससतसङ्ख्या परिब्बाजका | एत्थ मयं अनस्सामाति एत्थ अचेलकपाळिआदीसु, इदं वुत्तं होति “अम्हाकं अचेलकपाळिमत्तम्पि
22
Jain Education International
For Private & Personal Use Only
www.jainelibrary.org
| SR No. | 009981 |
| Book Title | Pathikvaggatthakatha |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 326 |
| Language | Sanskrit |
| Classification | Interfaith & Buddhism |
| File Size | 11 MB |