________________
२. उदुम्बरिकसुत्तवण्णना
निग्रोधपरिब्बाजकवत्थुवण्णना ४९. एवं मे सुतन्ति उदुम्बरिकसुत्तं । तत्रायमपुब्बपदवण्णना - परिब्बाजकोति छन्नपरिब्बाजको। उदुम्बरिकाय परिब्बाजकारामेति उदुम्बरिकाय देविया सन्तके परिब्बाजकारामे । सन्धानो ति तस्स नामं । अयं पन महानुभावो परिवारेत्वा विचरन्तानं पञ्चन्नं उपासकसतानं अग्गपुरिसो अनागामी भगवता महापरिसमज्झे एवं संवण्णितो
"छहि, भिक्खवे, अङ्गेहि समन्नागतो सन्धानो गहपति तथागते निट्ठङ्गतो सद्धम्मे इरियति । कतमेहि छहि ? बुद्धे अवेच्चप्पसादेन धम्मे अवेच्चप्पसादेन सङ्घ अवेच्चप्पसादेन अरियेन सीलेन अरियेन आणेन अरियाय विमुत्तिया । इमेहि खो, भिक्खवे, छहि अङ्गेहि समन्नागतो सन्धानो गहपति तथागते निट्ठङ्गतो सद्धम्मे इरियती"ति (अ० नि० २.६.१२०-१३९)।
सो पातोयेव उपोसथङ्गानि अधिट्ठाय पुब्बण्हसमये बुद्धप्पमुखस्स सङ्घस्स दानं दत्वा भिक्खूसु विहारं गतेसु घरे खुद्दकमहल्लकानं दारकानं सद्देन उब्बाळहो सत्थु सन्तिके "धम्मं सोस्सामी"ति निक्खन्तो । तेन वुतं दिवा दिवस्स राजगहा निक्खमीति । तत्थ दिवा दिवस्साति दिवसस्स दिवा नाम मज्झन्हातिक्कमो, तस्मिं दिवसस्सापि दिवाभूते अतिक्कन्तमत्ते मज्झन्हिके निक्खमीति अत्थो। पटिसल्लीनोति ततो ततो रूपादिगोचरतो चित्तं पटिसंहरित्वा निलीनो झानरतिसेवनावसेन एकीभावं गतो। मनोभावनीयानन्ति मनवड्डकानं । ये च आवज्जतो मनसिकरोतो चित्तं विनीवरणं होति उन्नमति वड्वति ।
५०. उन्नादिनियातिआदीनि पोट्टपादसुत्ते वित्थारितनयेनेव वेदितब्बानि ।
Jain Education International
For Private & Personal Use Only
www.jainelibrary.org
